ភ្នំពេញ៖ “បញ្ឈប់ជីករណ្ដៅដីជា បន្ទាន់… ក្រុមហ៊ុនគួរត្រូវការគោរពកិច្ច សន្យា…កុំអភិវឌ្ឍន៍មួយកន្លែងទៅបំផ្លាញ មួយកន្លែង” ។ នេះជាការលើកឡើង របស់ប្រជាពលរដ្ឋក្នុងភូមិ-សង្កាត់ សាក់ សំពៅ ខណ្ឌដង្កោ រាជធានីភ្នំពេញ បាន នាំគ្នាលើកបដារ និងដុតកង់ឡានប្រឆាំង តវ៉ាទៅនឹងសកម្មភាពដឹកដី ជីករណ្ដៅដី បង្កឡើងដោយក្រុមហ៊ុន ហុង ពីវ (បុរី ពិភពថ្មី) ។
យ៉ាងតិចមានប្រជាពលរដ្ឋតវ៉ា ប្រមាណជាង១០០នាក់បាននាំគ្នាតវ៉ា នៅផ្លូវចូលរណ្ដៅដីក្រុមហ៊ុន ហុង ពីវ ដែលស្ថិតនៅក្នុងភូមិ-សង្កាត់ខាងលើ និងតម្រូវឱ្យក្រុមហ៊ុននេះបញ្ឈប់នេះជា បន្ទាន់ ។ ពួកគាត់អះអាងថា ក្រុមហ៊ុន ហុង ពីវ (បុរីពិភពថ្មី) មិនបានគោរព ទៅតាមកិច្ចសន្យា ដូច្នេះមិនអនុញ្ញាត ឱ្យជីករណ្ដៅដី ដឹកជញ្ជូនដែលកំពុងប៉ះ ពាល់ដល់ការរស់នៅប្រចាំថ្ងៃរបស់ពួក គាត់យ៉ាងធ្ងន់ធ្ងរ លើបញ្ហាសុខភាព នេះ ជាដើម ។
គេពុំទាន់ដឹងថា អាជ្ញាធរ និងជំនាញ ពាក់ព័ន្ធនិងមានវិធានការដោះស្រាយ តាមការទាមទាររបស់ប្រជាពលរដ្ឋឬ មួយយ៉ាងណាទេនៅរសៀលថ្ងៃទី២៦ ខែ វិច្ឆិកា ឆ្នាំ២០១៥ ដោយអ្នកស្រី ទិត្យ សំអុន ចៅសង្កាត់សាក់សំពៅ*មិនអាច ទាក់ទងបាន ដោយទូរស័ព្ទត្រូវបានបិទ ដោយឡែកលោក នុត ពុធដារ៉ា អភិ បាកនៃគណៈអភិបាលខណ្ឌដង្កោក៏មិន អាចទាក់ទងបានដែរ ដោយទូរស័ព្ទចូល គ្មានអ្នកទទួល ។
គួររំលឹកថា កន្លងទៅក្រុមហ៊ុនបុរី ពិភពថ្មីនេះធ្លាប់បានចាក់ដីរំលោភយក ដីប្រឡាយសាធារណៈ ហើយប្រជាពល រដ្ឋធ្លាប់តវ៉ា ប៉ុន្ដែដោយឥទ្ធិពលអំណាច និងទឹកប្រាក់ក្រុមហ៊ុនមួយនេះបានដំណើរ ការដោយជោគជ័យ ។
កាលពីវេលាម៉ោង១០និង៣០នាទី ព្រឹកថ្ងៃទី២៦ ខែវិច្ឆិកា ឆ្នាំ២០១៥ ទិដ្ឋ ភាពរបស់អ្នកតវ៉ាជាច្រើននាក់បាន លើបដារ និងដុតកង់ឡាននៅចំពីមុខផ្លូវ ចូលរណ្ដៅដីក្រុមហ៊ុន ហុង ពីវ (បុរី ពិភពថ្មី) គេសង្កេតឃើញថា សមត្ថកិច្ច និងអាជ្ញាធររួមទាំងជំនាញផងដែរ ហាក់ រារ៉ែកចិត្ដក្នុងការរកដំណោះស្រាយរហូត ដល់ប្រជាពលរដ្ឋខ្លះលើកឡើងថា គួរ បញ្ឈប់ប្រើប្រាស់ទ្រឹស្ដី “ឱ្យតែមានលុយ គឺមានអំណាច គឺឈ្នះ” ពិតជាមិនត្រូវ និងគោលនយោបាយក្នុងប្រទេសតែគ្រប់ គ្រងដោយច្បាប់ប្រកបដោយលទ្ធិប្រជា ធិបតេយ្យ ពិសេសពួកគាត់មានជំនឿថា អាជ្ញាធររាជធានីភ្នំពេញ និងចាត់វិធាន ការណ៍ក្នុងរឿងនេះ ដោយមិនអនុញ្ញាត ឱ្យអ្នកវិនិយោគខ្លះ អភិវឌ្ឍន៍មួយកន្លែង ទៅបំផ្លាញមួយកន្លែងទៀតទេ ។
ពាក់ព័ន្ធនឹងករណីនេះ នគរវត្ដមិន អាចទាក់ទងបានពីតំណាងក្រុមហ៊ុន ហុង ពីវ (បុរីពិភពថ្មី)នារសៀលថ្ងៃទី២៦ ខែ វិច្ឆិកា ឆ្នាំ២០១៥ ដោយគ្មានលេខ ទូរស័ព្ទ ៕
ដោយ៖ សុខ ខេមរា
