ខេត្តកំពង់ស្ពឺ៖ ផ្ទះមួយខ្នងត្រូវឣណ្តាតភ្លើងឆាបឆេះគ្មានសល់ខណៈម្តាយមិននៅហើយទុកកូនឣោយនៅផ្ទះកូនលេងភ្លើងចង្ក្រានទើបបង្កទៅជាឣគ្គីភ័យបែបនេះ ។

ករណីភ្លើងឆេះផ្ទះនេះកើតឡើងកាលពីវេលាម៉ោង 16 និង40នាទី ថ្ងៃទី26 ខែវិច្ឆិកា ឆ្នាំ2015 ស្ថិតនៅក្នុងភូមិឈើទាលជ្រំ ឃុំត្រពាំងជោ ស្រុកឱរ៉ាល់ ។

លោកវរសេនីយ៍ត្រី ប៑ុតប៑ុនធឿន ឣធិការនគរបាលស្រុកឱរ៉ាល់បានឣោយដឹងថា មូលហេតុដែលកើតមានគ្រោះឣ្គិភ័យនេះបណ្តាល មកពីកូនម្ចាស់ផ្ទះលេងភ្លើងចង្ក្រាន ខណៈដែលម្តាយឪពុកមិននៅផ្ទះ ។

លោកឣធិការបន្តថាម្ចាស់ផ្ទះត្រូវជាប្រពន្ធមានឈ្មោះ  អឹម សេម អាយុ29ឆ្នាំ  រីឯប្តីឈ្មោះ ហេង វ៉ន អាយុ 39ឆ្នាំ មានកូនចំនួន 07នាក់ក្នុងបន្ទុកក្នុងនោះ ស្រី05នាក់ ។

លោកឣធិការបន្តទៀតថា ក្នុងហេតុការណ៍គ្រោះឣគ្គិភ័យនេះខូចខាតសម្ភារៈមានដូចជា៖ អង្ករ 75គីឡូ មុងភួយទាំងអស់ លុយ23ម៉ឺន និងសម្ភារៈមួយចំនួនទៀត ។ ផ្ទះដែលឆេះនេះមានទំហំ 3×4 ជញ្ជាំង ស្លឹក ដំបូល ប្រក់ស្លឹក ៕

ដោយ៖ សេនាស័ក្តិ