ភ្នំពេញ៖ ជនសង្ស័យម្នាក់បានធ្វើសកម្មភាពដោយថ្មើរជើងមកឆក់ទូរស័ព្ទដៃពីនារីគ្រោះម្នាក់ ខណៈដែលនាងកំពុងតែចុចទូរស័ព្ទ បានសម្រេច ហើយព្យាយាមរត់គេចខ្លួន ក៏ត្រូវប្រជាពលរដ្ឋដេញចាប់បានម្នាក់ព្រួតគ្នាវាយទ្រាមខ្លួន សំណាងល្អសមត្ថកិ្ចមូលដ្ឋានបានចុះអន្តរគមន៍ទាន់ពេលវេលា ខំអីត្រូវប្រជាពលរដ្ឋវាយស្លាប់ ។
ករណីឃាត់ខ្លួនជនសង្ស័យបានធ្វើឡើងកាលពីវេលាម៉ោង៨និង១០នាទីព្រឹកថ្ងៃទី២៧ ខែវិច្ចិកា ឆ្នាំ២០១៥ ស្ថិតនៅចំណុចខាងមុខក្បាលបូមទឹកស្អាត ផ្លូវព្រះស៊ីសុវត្ថិ ក្នុងសង្កាត់ស្រះចក ខណ្ឌដូនពេញ ។
ជនសង្ស័យ ឈ្មោះលី ហួរ ភេទប្រុស អាយុ២១ឆ្នាំ មុខរបរនិងទីលំនៅពិតប្រាដក ។ រីឯនារីរងគ្រោះឈ្មោះ ភា រម្យ ភេទស្រី អាយុ១៧ឆ្នាំ ស្នាក់នៅខណ្ឌឫស្សីកែវ ។
តាមប្រភពព័ត៌មានពីមន្ត្រីនគរបាលប៉ុស្តិ៍ស្រះចក បានឲ្យដឹងថា នៅមុនពេលកើតហេតុ នារីរងគ្រោះនិងមិត្តភក្តិម្នាក់ទៀតបាននាំគ្នាជិះម៉ូតូមួយគ្រឿងម៉ាក់ ហុងដាគុប មកឈប់និយាយគ្នាលេងនៅចំណុចខាងលើមុខក្បាលបូមទឹកស្អាត ផ្លូវព្រះស៊ីសុវត្ថិ ក្នុងសង្កាត់ស្រះចក ហេីយក៏ចុចទូរស័ព្ទ ស្រាប់តែពេលនោះ ជនសង្ស័យបានដើរ ម្នាក់ឯង លុះដើរមកក្បែរនារីរងគ្រោះ រួចធ្វើសកម្មភាពឆក់ទូរស័ព្ទពីដៃបានសម្រេចហើយក៏ព្យាយាមរត់គេចខ្លួន ភ្លាមនោះនារីរងគ្រោះបានស្រែកឆោរឡោថាចោរៗក៏ត្រូវប្រជាពលរដ្ឋនៅក្បែរនោះនាំគ្នាដេញចាប់ជនង្ស័យបាន នៅចំណុចខាងកើតអគ្គិសនីក្នុងសង្កាត់វត្តភ្នំ ហើយនាំគ្នាព្រួតវាយម្នាក់មួយដៃមួយជើងឡើងទ្រាមខ្លួន ទើបសមត្ថកិច្ចមកដល់ក៏ឃាត់មិនឲ្យប្រជាជនវាយទៀត ព្រោះខ្លាចជនសង្ស័យរបួសធ្ងន់អាចស្លាប់ និងដកហូតបានទូរស័ព្ទដៃម៉ាកIphone5របស់ជនរងគ្រោះ និងបានប្រគល់ជូនជនរងគ្រោះវិញផងដែរ ។
បច្ចុប្បន្ន ជនសង្ស័យ ត្រូវបានឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងចាត់ការតាមនីតិវិធី ៕
ដោយ៖ ស ដារ៉ា
