ម្ចាស់រថយន្តមានឈ្មោះ លី សុខ ភេទប្រុសអាយុ២៣ឆ្នាំ ស្នាក់នៅ សង្កាត់អូរឬស្សី៤ ខណ្ឌ៧មករា។

ចំណែកស្រ្តីដែលបើករថយន្តបង្កហេតុបានចុះពីរថយន្ត រួចរត់គេចខ្លួនបាត់ស្រមោល ។

បើតាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេឃើញបុរសម្នាក់បានជិះម៉ូតូ pcx ពណ៌ស ពាក់ស្លាកលេខភ្នំពេញ 1GM.6079 បានធ្វើដំណើរតាមបណ្ដោយផ្លូវ 107ក្នុងទិសដៅពីជើងទៅត្បូង ខណៈមកដល់ចំណុចកើតហេតុខាងលើក៏មានរថយន្តហាយឡិនឌ័រពណ៌ទឹកប្រាក់មួយគ្រឿង ពាក់ស្លាកលេខភ្នំពេញ 2AW.8356 បើកបរដោយស្រ្តី ម្នាក់រួមនិងមានអ្នករួមដំណើរជាមួយទៀត ក្នុងទិសដៅពីត្បូងទៅជើងក៏បានរេចង្កូតមកខាងឆ្វេងបើកបុកម៉ូតូ pcxបុក យ៉ាងពេញទំហឹងអូសទាំងអ្នកបើកបរម៉ូតូទៅផ្ទប់ជាមួយផឿងផ្កានិងបង្គោលភ្លើង បណ្ដាលឲ្យបុរសនោះស្លាប់ នៅកន្លែងកើតហេតុតែម្តង។ ភ្លាមៗនោះ អ្នកបើកបររថយន្តបង្កហេតុបានចុះពីរថយន្ត រួចរត់គេចខ្លួនបាត់ស្រមោល បន្សល់ទុកតែអ្នករួមដំណើរជាមួយនៅលើរថយន្តត្រូវបានប្រជាពលរដ្ឋនាំជួយគ្នាឃាត់ រួចរាយការណ៍ប្រាប់សមត្ថកិច្ចឱ្យចុះមកដល់កន្លែងកើតហេតុ។

បើតាមសំដីរបស់សមត្ថកិច្ចបានបង្ហើបប្រាប់ឲ្យដឹងថាស្ត្រីដែលបើករថយន្តបុកបុរសដែលស្លាប់ខាងលើនេះការពិតគឺខ្ចីរថយន្តរបស់ឈ្មោះ លី សុខ ដែរជាអ្នកស្គាល់គ្នានៅកន្លែងហាត់ប្រាណដើម្បីសាករថយន្តស្រាប់តែមកដល់ចំណុចកើតហេតុខាងលើក៏បានរេចង្កូតមកខាងឆ្វេងបើកបុកម៉ូតូ pcxបុក យ៉ាងពេញទំហឹងអូសទាំងអ្នកបើកបរម៉ូតូទៅផ្ទប់ជាមួយផឿងផ្កានិងបង្គោលភ្លើង បណ្ដាលឲ្យបុរសនោះស្លាប់ តែម្តង។

ក្រោយកើតហេតុសមត្ថកិច្ចមូលដ្នានបាន ចុះដល់កន្លែងកើតហេតុ វាស់វែងនិងយករថយន្តនិងម៉ូតូទៅរក្សាទុកនៅការិយាល័យចរាចរណ៍ជើងគោកនៃស្នងការនគរបាលរាជធានីភ្នំពេញ ដើម្បីរង់ចាំដោះស្រាយទៅតាមនិតិវិធីច្បាប់។ ចំណែកសពជនរងគ្រោះត្រូវក្រុមសមត្ថកិច្ចប្រគល់អោយទៅក្រុមគ្រួសារសពយកទៅធ្វើបុណ្យផងដែរ ៕