ខេត្តត្បូងឃ្មុំ៖ យុវជនម្នាក់ត្រូវបានកម្លាំងនគរបាលមូលដ្ឋានតាមចាប់ឃាត់ខ្លួនបន្ទាប់ពីបានចាប់រំលោភសេពសន្ថវៈលើក្មេងស្រីអាយុ៧ឆ្នាំម្នាក់រហូតបានសម្រេចគ្រាដែលក្មេងស្រីរងគ្រោះបានទៅដើរលេងនៅតាមវាលស្រែស្ងាត់ៗតែម្នាក់ឯង ។
ហេតុការណ៍នេះកើតឡើងកាលពីវេលាម៉ោង៣និង៣០នាទីរសៀលថ្ងៃទី២៧ ខែ វិច្ឆិកា ឆ្នាំ២០១៥ នៅចំណុចវាលស្រែខាងកើតភូមិចម្ងាយប្រមាណជា៧០០ម៉ែត្រ ស្ថិតក្នុងភូមិឃ្មួរ ឃំុជាំក្រវៀន ស្រុកមេមត់ ខេត្តត្បូងឃ្មំុ ។
សមត្ថកិច្ចនគរបាលបានឲដឹងថា ក្មេងស្រីរងគ្រោះឈ្មោះ ប.ណ អាយុ៧ឆ្នាំ រស់នៅក្នុងភូមិកើតហេតុខាងលើ។ចំណែកយុវជនសង្ស័យឈ្មោះ នឹម ពៅ ហៅកម ភេទប្រុស អាយុ១៩ឆ្នាំ រស់នៅក្នុងភូមិជាមួយក្មេងស្រីរងគ្រោះដែរ ។
សមត្ថកិច្ចបន្តឲដឹងថា ករណីនេះដោយមានការឈឺចុកចាប់ក្មេងស្រីរងគ្រោះក៏បាននិយាយរាបរាប់ប្រាប់ឪពុកម្ដាយទើបឈានដល់ប្តឹងសមត្ថកិច្ចនគរបាលមូលដ្ឋានឲ្យតាមចាប់ខ្លួនជនសង្ស័យ ហើយបន្ទាប់ពីមានពាក្យបណ្ដឹងពីអាណាព្យាបាលក្មេងស្រីរងគ្រោះនៅវេលាម៉ោង១១និង៣០នាទីថ្ងៃត្រង់ថ្ងៃទី២៨ ខែវិច្ឆិកា ឆ្នាំ២០១៥ មកកម្លាំងនគរបាលស្រុកមេមត់ បានចុះសហការណ៍ជាមួយកម្លាំងប៉ុស្តិ៍នគរបាលរដ្ឋបាលឃុំជាំក្រវៀនតាមចាប់ខ្លួនជនសង្ស័យខាងលើបានដើម្បីកសាងសំណុំរឿងតាមនីតិវិធីច្បាប់បញ្ជូនទៅសាលាដំបូងខេត្តត្បូងឃ្មុំ ៕
ដោយ៖ វណ្ណះ
