ខេត្តត្បូងឃ្មំុ៖ បុរសម្នាក់ត្រូវបានសមត្ថកិច្ចចាប់ឃាត់ខ្លួនពីបទជួញដូរ រក្សាទុក ដឹកជញ្ជូននូវសារធាតុញៀនដោយខុសច្បាប់។ ការចាប់ខ្លួននេះធ្វើរឡើងនៅវេលាម៉ោង៣,៣០នាទីរសៀលថ្ងៃទី២៩ ខែវិច្ឆិកា ឆ្នាំ២០១៥ នៅចំណុចមុខក្រុមហ៊ុន ចំការ កៅស៊ូមេមត់ ស្ថិតក្នុងភូមិខ្នងក្រពើលិច ឃុំត្រមូង ស្រុកមេមត់ខេត្តត្បូងឃ្មុំ ។
លោក វរសេនីយ៍ត្រី ហុង គីមហឿន អធិការនគរបាលស្រុកមេមត់បានបញ្ជាក់ឲដឹងថា ជនសង្ស័យមានឈ្មោះ ម៉ៅ សុខខេង ភេទប្រុសអាយុ២៧ ឆ្នាំ រស់នៅភូមិជាំម្អោរ ឃុំមេមត់ស្រុកមេមត់ ខេត្តត្បូងឃ្មុំ ។
លោកអធិការបានបន្តថាជនសង្ស័យត្រូវបានសមត្ថកិច្ចចាប់ឃាត់ខ្លួននៅពេលដែលកម្លាំងជំនាញអធិការដ្ឋាន នគរបាលស្រុកមេមត់និងកម្លាំងការិយាល័យជំនាញព្រហ្មទណ្ឌខេត្តត្បូងឃ្មុំប្រចាំទិសស្រុកមេមត់បានចុះល្បាតធ្វើរដ្ឋបាលចំហត្រួតពិនិត្យឆែកឆេរអាវុធជាតិផ្ទុះនៅចំណុចកើតហេតុខាងលើ ហើយបានប្រទះឃើញមុខសញ្ញាជនសង្ស័យខាងលើកំពុងជិះម៉ូតូ ម៉ាក វ៉េវឆ្លាមពណ៌ខ្មៅមួយគ្រឿង ភ្លាមនោះកម្លាំងសមត្ថកិច្ចបានឃាត់ឱ្យឈប់ធ្វើការត្រួតពិនិត្យឆែកឆេរលើខ្លួនមុខសញ្ញារកឃើញម្សៅក្រាមពណ៌ស ថ្លាដែលសង្ស័យថាជាគ្រឿងញៀនចំនួន4 កញ្ចប់ ហើយឃាត់ខ្លួនរួមនិងវត្ថុតាងបញ្ជូនមកអធិការដ្ឋាន នគរបាលស្រុកមេមត់ដើម្បីកសាងសំណុំរឿងតាមនីតិវិធី ៕
ដោយ៖ វណ្ណះ
