ភ្នំពេញ៖ កីឡាករ ផៃ គឹមហឿត ជាសិស្សរបស់ក្លិបគីសែមានប្ញទ្ធិ អាជ្ញាធរជាតិអាវុ ធគីមី បានសម្តែង នូវក្តីរំភើបរហូតទប់អារម្មណ៍មិនបានធ្វើឲ្យស្រកទឹកភ្នែកដោយមិនដឹងខ្លួន ក្រោយពីឭពិធីករ លោកហួ ង៉ែត ប្រកាសលទ្ធផលពិន្ទុទាំង របស់ខ្លួនដោយឈ្នះកីឡាករ ឡុង សំណាង សិស្សរបស់លោក ឡុង សាលវ័ន្តដោយពិន្ទុប្រផុតប្រផើយ កាលពីរាត្រីថ្ងៃទី២៩ខែវិច្ឆិកាឆ្នាំ២០១៥នៅលើសង្វៀនទូរទស្សន៍ ប៉ុស្តិ៍លេខ៥អារីណា។
ផៃ គឹមហឿតបានថ្លែងអំណរគុណដល់ដល់បងប្អូន អ្នកគាំទ្រ នៅនឹងសង្វៀនផ្ទាល់និងនៅទូទាំងប្រទេស កម្ពុជា ដោយសម្តីអួលដើមកថា អរគុណណាស់ដែលបងប្អូនបានគាំទ្រ រូបខ្ញុំបាទពិសេសពុកម៉ែបងប្អូននៅខេត្តសៀមរាប។
ចំពោះកីឡាករ ឡុង សំណាងវិញ បាននិយាយថា ខ្ញុំសោកស្តាយខ្លាំងណាស់ ពីព្រោះខ្ញុំមិនអាច ដណ្តើមយកជ័យលាភីជាម្ចាស់ជើងឯក TIFY SUPER FIGTH រដូវកាលទី១នេះបានសម្រេច បើទោះ បីខ្ញុំខំវាយអស់ពីសមត្ថភាពយ៉ាងណាក៏ដោយតែលទ្ធផល ត្រូវចាញ់ពិន្ទុកីឡាករ ផៃ គឹមហឿតទាំងមិន អស់ចិត្ត។
សម្រាប់រូបមន្តប្រកួតជើងឯក TIFY SUPER FIGTH គឺប្រកួតតែ៣ទឹកប៉ុណ្ណោះ ជាហេតុធ្វើឲ្យកីឡាករទាំង២នាក់មានរអារម្មណ៍ភ័យខ្លាច ចាញ់រៀងៗខ្លួន ហើយការប្រកួត របស់ពួកគេ បានសម្រុកតាំងពីវិនាទីដំបូងនៃស្នូរជួងបន្លឺឡើងហើយ ជាលទ្ធផលបញ្ចប់ការប្រកួត កីឡាករ ផៃ គឹមហឿត ឈ្នះឡុង សំណាង ដោយពិន្ទមិនឯកច្ឆន្ទ៣-២ដូច្នេះម្ចាស់ជ័យលាភីជើងឯក TIFY SUPER FIGTH បានទៅលើកីឡាករ ផៃ គឹមហឿត ទទួលបានពានរង្វាន់ធំចំនួន១ អមជាមួយថវិកាចំនួន៤ពានដុល្លារ រីឯចំណាត់ថ្នាក់លេខ២ បានទៅលើកីឡាករ ឡុង សំណា មានពានរង្វាន់តូច១ អមជាមួយថវិកាចំនួន ២ពានដុល្លារ។
សម្រាប់ការប្រកួតដណ្តើមចំណាត់ថ្នាក់លេខ៣ រវាងកីឡាករ ញ៉េ សិទ្ធ សិស្សលោក អេភូថង និងកីឡាករ ឌុន ប៊ុនធឿន មកពីខេត្តព្រៃវែង ត្រូវបានគេដឹងថា កីឡាករទាំង២នាក់គឺជាសិស្សរួមគ្រូ តែមួយ ជាក់ស្តែងក្នុងការប្រកួត កីឡាករ ញ៉េ សិទ្ធត្រូវបានកីឡាករ ឌុន ប៊ុនធឿនវាយឲ្យបោះបង់ការ ប្រកួតក្នុងទឹកទី១បន្ទាប់ពីអាជ្ញាកណ្តាល លោក ឡុង សាលវ័ន្ត រាប់៨ម្តងនិង១០ម្តងក្នុងទឹក ខាងលើ រួចក៏បញ្ឈប់តែម្តង។
ដូច្នេះកីឡាករ ឌុន ប៊ុនធឿន ជាប់ចំណាត់ថ្នាក់លេខ៣ទទួលបានពានរង្វាន់តូច១ និងថវិកា ចំនួន៧៥០ដុល្លារ និងចំណាត់ថ្នាក់លេខ៤កីឡាករ ញ៉េ សិទ្ធ ទទួលបានពានរង្វាន់តូច១អមជាទឹក ប្រាក់ចំនួន៥០០ដុល្លារ៕
ដោយ៖ សារីម
