ភ្នំពេញ៖លោកឯម ច័ន្ទមករា អគ្គលេខាធិការនៃអគ្គលេខាធិការដ្ឋានក្រុមប្រឹក្សាសកម្មភាពជនពិការ ត្រូវបានព្រះមហាក្សត្រដំឡើងឋានៈស្មើរដ្ឋលេខាធិការ នៅក្រសួងសង្គមកិច្ច អតីតយុទ្ធជន និង យុវនីតិសម្បទា ។
សូមបញ្ជាក់ថា ថ្លែងនៅចំពោះមុខតំណាងរដ្ឋាភិបាលជាច្រើននៅឯអង្គការសហប្រជាជាតិ កាលពីខែមិថុនា ឆ្នាំ២០១៨ កន្លងទៅ ក្នុងនាមជារដ្ឋភាគីនៃអនុសញ្ញាសិទ្ធិជនមានពិការភាព លោក ឯម ច័ន្ទមករា តំណាងលោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានប្រកាសគោលជំហររបស់រដ្ឋាភិបាលកម្ពុជាក្នុងការបន្តបង្ហាញឆន្ទៈនៅចំពោះមុខអង្គការសហប្រជាជាតិពីគាំទ្រការអនុវត្តអនុសញ្ញាស្តីពីសិទ្ធិជនមានពិការភាពសម្រេចឲ្យខាងតែបាន និងមានស័ក្តសិទ្ធភាពដើម្បីលើកកម្ពស់សិទ្ធិនិងយកចិត្តទុកដាក់លើសុខមាលភាពជនមានពិការភាព។
អគ្គលេខាធិការក្រុមប្រឹក្សាសកម្មភាពជនពិការ លោក ឯម ច័ន្ទមករា បានថ្លែងចេញពីសន្និសិទ្ធរដ្ឋភាគីនាទីក្រុងញ៉ូយកថា «ពិការភាពគឺជាផ្នែកអាទិភាពមួយរបស់រដ្ឋាភិបាលកម្ពុជា។ ប្រទេសកម្ពុជាចាត់ទុកសង្គមស៊ីវិល វិស័យឯកជន អង្គការជនពិការ ដៃគូអភិវឌ្ឍន៍គឺជាដៃគូសហប្រតិបត្តិការដ៏ល្អក្នុងការអនុវត្តន៍អនុសញ្ញាស្តីពីសិទ្ធិជនមានពិការ»។
លោក ឯម ច័ន្ទមករា «បានថ្លែងបែបនេះក្នុងការឱកាសដែលលោកដឹកនាំប្រតិភូកម្ពុជា ចូលរួមសន្និសិទ្ធលើកទី១១ នៃរដ្ឋភាគីអនុសញ្ញាស្តីពីសិទ្ធិជនពិការ នៅអង្គការសហប្រជាជាតិ នាទីក្រុងញ៉ូយក សហរដ្ឋអាមេរិក៕
ដោយ៖ ចេស្តា
