ភ្នំពេញ៖ នារីម្នាក់វ័យប្រហែលជាង20ឆ្នាំម្នាក់បានផឹកស្រា ស្រវឹងរួចដើរមកលោកទឹកសម្លាប់ខ្លននៅខាងមុខព្រះបរមរាជវាំងប៉ងធ្វើអត្តឃាដខ្លួនឯង តែមិនបានសម្រេច តែត្រូវអ្នកនៅជិតកន្លែងកើតហេតុឃើញក៏នាំគ្នាជួយសង្គ្រោះទាន់ពេលវេលា។
ហេតុការណ៍បង្កអោយមានការភ្ញាក់ផ្អើលនេះបានកើតឡើងកាលពីវេលាម៉ោង២១និង១៥នាទី ថ្ងៃទី១ ខែធ្នូ ឆ្នាំ២០១៥ នៅចំណុចខាងមុខព្រះបរមរាជវាំង ស្ថិតក្នុងសង្កាត់ ជ័យជំនះ ខណ្ឌដូនពេញ រាជធានីភ្នំពេញ។
ប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុគេបានឃើញមាននារីម្នាក់វ័យប្រហែលជាង20ឆ្នាំម្នាក់ និងមានសភាពស្រវឹងជោកជាំ បានដើរចេញពីសួនច្បារខាងមុខព្រះបរម្យរាជវាំងសំដៅទៅមាត់ទន្លេហើយចុះទៅក្នុងទឹកប៉ងសម្លាប់ខ្លួន ដោយលោតពីលើមាត់ជ្រាំងទន្លេចុះក្នុងទឹកទន្លេមុខព្រះបរម្យរាជវាំង ពេលដែលឃើញហេតុការណ៍នេះភ្លាមអ្នកដែលមក អង្គុយលេងនៅជិតកន្លែងកើតហេតុក៏នាំគ្នាចុះជួយស្រង់ឡើងមកលើគោកវិញបានទាន់ពេលវេលា ហើយបានហៅរថយន្ដសង្គ្រោះបន្ទាន់អោយយកនារីរងគ្រោះយកទៅសង្គ្រោះនៅមុន្ទីរពេទ្យភ្លាមៗផងដែរ។
សមត្ថកិច្ចបានអោយដឹងថា នារីដែលប៉ុនប៉ងលោតទឹកសម្លាប់ខ្លួននោះគឺមិនមានអ្នកណាម្នាក់ស្គាល់អត្តសញ្ញាណនោះទេ ហើយនៅក្នុងខ្លួនក៏គ្មានលិខិតស្នាម ឬអត្តសញ្ញាណប័ណ្ណសម្គាល់ផងដែរ ហើយក៏មិនដឹងពីមូលហេតុដែលធ្វើអោយនាងចង់សម្លាប់ខ្លួននោះដែរ។
បច្ចុប្បន្នជនរងគ្រោះត្រូវបានដឹកយកទៅសង្គ្រោះនៅមន្ទីរពេទ្យ ហើយសមត្ថកិច្ចកំពុងតែស្រាវជ្រាវរកក្រុមគ្រួសារសាច់ញាតិ ដើម្បីប្រគល់ ទៅក្រុមគ្រួសារវិញនិងបានសួរនាំអំពីមូលហេតុនៃការប៉ងសម្លាប់ខ្លួននេះផងដែរ៕
ដោយ៖ ព្រែកជ័យ
