ខេត្ដព្រះសីហនុ៖ រថយន្ដតាក់ស៊ីនៅ ចំណតស្រុកព្រៃនប់បានបុកជាមួយនឹង រថយន្ដកុងតឺន័រសណ្ដោងកន្ទុយតែពុំមាន អ្នកស្លាប់នោះទេ គ្រាន់តែរងរបួសអ្នក បើកបររថយន្ដតាក់ស៊ីម្នាក់តិចតួច ប៉ុណ្ណោះ ។
ករណីគ្រោះថ្នាក់ចរាចរណ៍រវាងរថ យន្ដតាក់ស៊ីនឹងរថយន្ដកុងតឺន័រនេះបាន កើតឡើងកាលពីវេលាម៉ោង១០យប់ ថ្ងៃទី៣ ខែធ្នូ* ឆ្នាំ២០១៥ នៅលើផ្លូវជាតិ លេខ៤ ចំណុចគីឡូម៉ែត្រលេខ១៨១-១៨២ ស្ថិតក្នុងភូមិ-ឃុំសំរុង ស្រុកព្រៃ នប់ ខេត្ដព្រះសីហនុ ។
នគរបាលស្រុកព្រៃនប់បានឱ្យដឹងថា រថយន្ដតាក់ស៊ីដែលបានប៉ះទង្គិចជាមួយ រថយន្ដកុងតឺន័រម៉ាកកាមរី ពណ៌ស ពាក់ ស្លាកលេខភ្នំពេញ 2F-4715 បើកបរ ដោយបុរសម្នាក់ឈ្មោះ អ៊ុយ ម៉េងលី អាយុ៣១ឆ្នាំ មានទីលំនៅភូមិអូរចំណារ ឃុំអូរឧកញ៉ាហេង ស្រុកព្រៃនប់ ខេត្ដព្រះ សីហនុ ។ រថយន្ដតាក់ស៊ីនេះធ្វើដំណើរ ក្នុងទិសដៅពីភ្នំពេញទៅខេត្ដព្រះសីហនុ លុះមកដល់ចំណុចកើតហេតុបានបុក រថយន្ដកែច្នៃដឹកឈើក្នុងទិសដៅស្របគ្នា រួចក៏រេចង្កូតទៅចំណែកផ្លូវម្ខាងទៀត បុករថយន្ដម៉ាកហ៊ីយ៉ាន់ដាយ ពណ៌ស លាយខៀវ ពាក់ស្លាកលេខព្រះសីហនុ 3C-0204 ក្នុងទិសដៅបញ្ច្រាសគ្នា ។
នគរបាលបានបញ្ជាក់ថា អ្នកបើកបរ រថយន្ដកុងតឺន័រខាងលើត្រូវបានគេស្គាល់ ឈ្មោះ ប៊ុន រ៉ាន់ ភេទប្រុស អាយុ២៦ឆ្នាំ មានទីលំនៅភូមិក្រាំង ឃុំស្នោ ស្រុកព្រៃ កប្បាស ខេត្ដតាកែវ បានគេចខ្លួនពី កន្លែងកើតហេតុ ។
នគរបាលបញ្ជាក់ថា អ្នកបើកបរ រថយន្ដតាក់ស៊ីឈ្មោះ អ៊ុយ ម៉េងលី បាន រងរបួសស្រាលត្រូវបានបញ្ជូនទៅព្យា បាលនៅគ្លីនិកឯកមួយនៅម្ដុំវាលរេញ ខណៈដែលរថយន្ដទាំង៣គ្រឿងសមត្ថកិច្ច បានយកមករក្សាទុកនៅអធិការដ្ឋាន នគរបាលស្រុកព្រៃនប់រង់ចាំដោះជា ក្រោយ ៕
ដោយ៖ ឆ្លាមសមុទ្រ
