ខេត្ដកំពង់ចាម៖ ឪពុកក្មេកដែលត្រូវ កូនប្រសាកាប់ឱ្យរបួសធ្ងន់បំណងផ្ដាច់ ពូជបានទទួលមរណភាពហើយកាលពី វេលាម៉ោងទៀបភ្លឺឈានចូលថ្ងៃទី៤ ខែធ្នូ ឆ្នាំ២០១៥ នៅក្នុងមន្ទីរពេទ្យជោរៃ ស្ថិត នៅក្នុងខណ្ឌច្បារអំពៅ រាជធានីភ្នំពេញ ។ នេះបើយោងតាមប្រភពព័ត៌មានទម្លាយ ឱ្យដឹងពីក្រុមគ្រួសារសាច់ញាតិជនរង គ្រោះដែលមកដេកកំដរជនរងគ្រោះនៅ ក្នុងមន្ទីរពេទ្យក្រោយពីបញ្ជូនពីមន្ទីរ ពេទ្យមិត្ដភាពខ្មែរ-សូវៀតមកវះកាត់ នៅមន្ទីរពេទ្យជោរៃ ក្រោមការព្យាយាម អស់លទ្ធភាពពីក្រុមគ្រូពេទ្យ ។
តាមប្រភពពីក្រុមគ្រួសារបានឱ្យដឹង ទៀតថា ជនរងគ្រោះបានដាច់ខ្យល់ស្លាប់ នៅវេលាម៉ោង៤ទៀបភ្លឺ ព្រោះតែរបួស ធ្ងន់ច្រើនកន្លែងពិសេសនៅត្រង់ក្បាល ដែលមិនអាចឱ្យជនរងគ្រោះទ្រាំទ្រនឹង ការឈឺចាប់បាន ។
ប្រភពពីក្រុមគ្រួសារជនរងគ្រោះ បានឱ្យដឹងដែរថា សាកសពជនរងគ្រោះ ឈ្មោះ សាយ សាខន ត្រូវបានដឹកបញ្ជូន ទៅស្រុកកំណើតនៅខេត្ដកំពង់ចាម ដើម្បីចាត់ចែងធ្វើបុណ្យតាមប្រពៃណី។
ជុំវិញការស្លាប់និងសោកនាដកម្មក៏ រន្ធត់នៅក្រុមគ្រួសារមួយដែលត្រូវកូន ប្រសាសម្លាប់ផ្ដាច់ពូជនេះនគរវត្ដមិន អាចរកការឆ្លើយតបពីលោក បែន រ័ត្ន ស្នងការនគរបាលខេត្ដកំពង់ចាមបានទេ កាលពីរសៀលថ្ងៃទី៤ ខែធ្នូ ដោយទូរស័ព្ទ ចូលពុំមានអ្នកទទួល ។
ទោះជាយ៉ាងណាក៏ដោយគេបានដឹង ថា កូនប្រសាជាឃាតកដ៏ឃោរឃៅ ដែលបានកាប់សម្លាប់ម្ដាយឪពុកក្មេក ព្រមទាំងប្រពន្ធនិងកូនតូច២នាក់របស់ ខ្លួននេះក៏បានស្លាប់ហើយដែរក្រោមកង់ រថយន្ដកិនបំបែកក្បាលក្រោយពីព្យាយាម រត់គេចខ្លួន ។
គួររំឭកថា កាលពីវេលាម៉ោង១១ និង៥នាទីយប់ថ្ងៃទី៣០ ខែវិច្ឆិកា ឆ្នាំ ២០១៥ មានករណីឃាតកម្មសម្លាប់ ផ្ដាច់ពូជមួយពីសំណាក់កូនប្រសាប្រុស បង្កឱ្យភ្ញាក់ផ្អើលនៅក្នុងភូមិពែងមាស ជើង ឃុំស្ពឺ ស្រុកចំការលើ ខេត្ដកំពង់ ចាម ។ ក្រោយពីសម្លាប់ម្ដាយក្មេក ប្រពន្ធ កូនតូចប្រុសស្រី២នាក់ និងឪពុក ក្មេករបួសធ្ងន់រួចជនសង្ស័យបានរត់គេច ខ្លួន ។ ជនរងគ្រោះដែលត្រូវជនសង្ស័យ សម្លាប់ទី១-ឈ្មោះ ចាន់ធី សុភានី ភេទ ស្រី អាយុ៤៥ឆ្នាំ ជាប្រពន្ធ (ស្លាប់), ទី២-ឈ្មោះ ម៉ៅ យៀង ភេទស្រី អាយុ ៦៤ឆ្នាំ ជាម្ដាយក្មេក (ស្លាប់), ទី៣-ឈ្មោះ ធី សៀងហ៊ី ភេទស្រី អាយុ៦ឆ្នាំ ជាកូន (ស្លាប់), ទី៤-ឈ្មោះ ធី សីហា ភេទប្រុស ជាកូន (ស្លាប់) និងទី៥-ឈ្មោះ ស្វាយ សាខន អាយុ៦៩ឆ្នាំ ជា ឪពុកក្មេក រងរបួសធ្ងន់ ។
ក្រោយពីសម្លាប់ម្ដាយក្មេក ប្រពន្ធ និងកូន២នាក់ ព្រមទាំងឪពុកក្មេកឱ្យ របួសធ្ងន់រួចហើយនោះជនដៃដល់ជាកូន ប្រសាឈ្មោះ អេង ធី បានរត់គេចខ្លួនតែ ត្រូវរថយន្ដកិនបែបក្បាលស្លាប់ ។
នៅថ្ងៃទីប្រទះឃើញសាកសពជនដៃ ដល់សម្លាប់ប្រពន្ធកូនឪពុកម្ដាយក្មេក នេះលោកឧត្ដមសេនីយ៍ បែន រ័ត្ន ស្នងការ នគរបាលខេត្ដកំពង់ចាមបានឱ្យដឹងថា ក្នុងពេលដែលកម្លាំងនគរបាលកំពុង ប្រទាក់ក្រឡាតាមប្រមាញ់គ្រប់ទីកន្លែងទាំងក្នុងនិងក្រៅខេត្ដក៏ដូចតាមមាត់ ច្រកព្រំដែនផងនោះសមត្ថកិច្ចបានប្រទះឃើញសាកសពឃាតកសម្លាប់ម្ដាយ ក្មេក ប្រពន្ធ កូន និងឪពុកក្មេកត្រូវ រថយន្ដកិនខ្ទេចក្បាលស្លាប់ហើយ ។
លោកឧត្ដមសេនីយ៍បន្ដថា សពជន សង្ស័យត្រូវប្រទះឃើញនៅវេលាម៉ោង ប្រមាណ៩និង១៥នាទីយប់ថ្ងៃទី១ ខែធ្នូ ឆ្នាំ២០១៥ តាមបណ្ដោយផ្លូវលំក្នុងភូមិ វាលធំ ឃុំគគីរធំ ស្រុកបារាយណ៍ ខេត្ដ កំពង់ធំមានចម្ងាយ៥គីឡូម៉ែត្រពីព្រំ ប្រទល់ខេត្ដកំពង់ចាមនិងប្រមាណ៨គីឡូ ម៉ែត្រពីផ្ទះឃាតកនិងក៏ជាកន្លែងដែលឃាតកធ្លាប់មកស៊ីឈ្នួលលើកថ្ម ៕
ដោយ៖ សហការី
