ខេត្តស្វាយរៀង៖ បុរសម្នាក់ត្រូវបានសមត្ថកិច្ចនគបាលស្រុកឃាត់ខ្លួនកាលពីថ្ងៃទី៣ ខែធ្នូ ឆ្នាំ២០១៥ ស្ថិតក្នុងភូមិព្រះពន្លា ឃុំកំពង់រោទិ៍ ស្រុកកំពង់រោទ៍ បន្ទាប់ពីបានប្រើហិង្សាវាយទៅលើយាយបង្កើតសង្ស័យញៀនថ្នាំ ។
សមត្ថកិច្ចនគរបាលស្រុកកំពង់រោទ៍បានអោយដឹងថា ជនសង្ស័យមានឈ្មោះចាន់ សុភក្រ័ អាយុ២៣ឆ្នាំ មុខរបរមិនពិតប្រាកដ មានស្រុកកំណើតក្នុងភូមិឃុំ កើតហេតុខាងលើ ។
ជនសង្ស័យខាងលើ ទើបតែមកពីភ្នំពេញបានប្រមាណ៣ខែប៉ុណ្ណោះ ខណៈដែលអ៊ំប្រុសប្រដៅមិនស្ដាប់ ដោយដើរលេងជាមួយក្មេងទំនើង ទើបបញ្ជូនមកស្រុកកំណើតវិញ ។
ប្រភពបន្តថា នៅថ្ងៃទី២ ខែធ្នូ ឆ្នាំ២០១៥ ជនសង្ស័យឈ្មោះចាន់ សុភក្រ័ អាយុ២៣ឆ្នាំ បានមករករឿងជីដូនបង្កើត ខណៈកំពុងតែធ្វើការផ្ទះដោយដើររេរានិងសុំលុយ ប៉ុន្តែមិនអោយ ស្រាប់តែជនស្ស័យជាចៅខឹងក៏បានទាត់ជីដូនជាច្រើនជើងធ្វើអោយលោកយាយសន្លប់បង្កអោយមានការភ្ញាក់ផ្អើលដល់អ្នកភូមិនាំគ្នាជួយសង្គ្រោះ។
លុះនៅថ្ងៃទី៣ ខែធ្នូ ឆ្នាំ២០១៥ ក្រោយពីទទួលពាក្យបណ្ដឹង សមត្ថកិច្ចនគបាលប៉ុស្តិ៍ និងស្រុកមកដល់និងធ្វើការឃាត់ខ្លួនតែម្ដង ។
បន្ទាប់ពីសមត្ថកិច្ចនគរបាលស្រុកបញ្ជូនមកដល់ស្នងការដ្ឋាននគបាលខេត្តមកសាកសួរ ស្រាប់តែជនសង្ស័យបានស្ទុះមកវាយសមត្ថកិច្ចនគរបាលតែម្ដង សង្ស័យថ្នាំញៀងរើឡើងផងដែរ ៕
ដោយ៖ យឹម សុថាន
