អ្នកនាំពាក្យក្រសួងការពារជាតិរុស្ស៊ីលោក Igor Konashenkov បានបញ្ជាក់ថា កម្លាំងទាហានអាកាសរុស្ស៊ីបានបើកការវាយប្រហារដល់ទៅ៤៣១លើក នៅក្នុងខេត្ត Latakia ប្រទេសស៊ីរីដោយបានទម្លាក់គ្រាប់ទៅលើគោលដៅជិត១៥០០កន្លែងរបស់ក្រុមIS ក្នុងរយៈពេល៩ថ្ងៃចុងក្រោយនេះ ។
តាមការប្រកាសរបស់លោកKonashenkov នៅក្នុងការវាយប្រហារនោះរុស្សីបានសម្លាប់មេដឹកនាំក្រុមIS ជាច្រើននាក់ ក្នុងនោះមានមេបញ្ជាការកម្លាំង IS លោក Abu abdu និងមេបញ្ជាការផ្សេងៗជាច្រើនទៀតរបស់ IS ។
យុទ្ធនាការវាយប្រហាររបស់រុស្ស៊ីនៅស៊ីរីបានចាប់ផ្តើមឡើងតាំងពីថ្ងៃទី៣០ ខែកញ្ញា តាមសំណើរបស់ប្រធានាធិបតីស៊ីរី បាសា អាល់អាសាដ។ រុស្ស៊ីបានប្រកាសថាបានកម្ទេចក្រុមភេរវកម្មជាច្រើនរូប រួមទាំងក្រុមប្រឆាំងរដ្ឋាភិបាលស៊ីរី ដែលគាំទ្រដោយអាមេរិក និងលោកខាងលិចផងដែរ ។
អង្គការខ្លំមើលសិទ្ធិមនុស្សស៊ីរីបានចោទប្រកាន់ការវាយប្រហារទម្លាក់គ្រាប់ពីរុស្ស៊ីថាបានសម្លាប់ពលរដ្ឋស្លូតត្រង់ជាច្រើន ក្នុងនោះមានកុមារ និងស្ត្រី។ ការវាយប្រហារទាំងនោះ ក៏ជាមូលហេតុបង្កឲ្យមានការប្រឈមមុខដាក់គ្នារវាងរុស្ស៊ីនឹងទួរគី ក្រោយពេលដែលទួរគីបាញ់ទម្លាក់យន្តហោះចម្បាំងរបស់រុស្ស៊ី ៕
