ភ្នំពេញ៖ សភាពការណ៍អសន្តិសុខចុងឆ្នាំ២០១៥ នេះហាក់ដូចជាកើតឡើងផ្ទួនៗគ្នានៅក្នុងភូមិសាស្ត្រខណ្ឌមួយចំនួននៃរាជធានីភ្នំពេញ ដែលបទល្មើសទាំងនោះជាប្រភេទបទល្មើសលួច ប្លន់ និងឃាត់កម្ម ។
ដោយឡែកនៅក្នុងខណ្ឌ ច្បារអំពៅ កាលពីព្រលប់ ថ្ងៃទី៦ ខែធ្នូ ឆ្នាំ២០១៥ នៅលើផ្លូវអាស៊ាន ស្ថិតក្នុង ភូមិរបោះអង្កាញ់ សង្កាត់ ព្រែកឯង មានករណី ក្រុម ចោរដកកាំភ្លើងភ្ជង់នារីម្នាក់ប្លន់យកម៉ូតូបានសម្រេច ស្វាគមន៍សមត្ថកិច្ច ខណ្ឌ ច្បារអំពៅនិងជាការពញ្ញាក់ស្មារតីអោយរំលឹកឡើងវិញ នូវគោលនយោបាយ “ ភូមិ-សង្កាត់មានសុវត្ថិភាព “ ។
ម្ចាស់ម៉ូតូម៉ាកហុងដា សេ១២៥ សេរីឆ្នាំ២០១៥ ពាក់ស្លាកលេខ ភ្នំពេញ1CQ-9185 ដែលត្រូវក្រុមចោរភ្ជង់ប្លន់យកបានសម្រេចមានឈ្មោះអ៊ំ វណ្ណនេត ភេទស្រី អាយុ១៩ឆ្នាំ មានទីលំនៅភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ ។
តាមប្រភពពត៍មានពីក្រុម គ្រួសារនារីរងគ្រោះបានអោយដឹងថា មុនពេលកើតហេតុ នារី រងគ្រោះជិះម៉ូតូម្នាក់ឯងក្នុងទិសដៅចេញពីផ្សារចំពុះក្អែកតាមបណ្តោយផ្លូវអាស៊ាន សំដៅទៅផ្ទះ ។ ពេលកំពុងជិះលើផ្លូវស្រាប់តែមានជនសង្ស័យ២នាក់ជិះម៉ូតូ១គ្រឿងមិនស្គាល់ម៉ាក់បានបើកមកកៀកនារីរងគ្រោះគម្រាមអោយឈប់ម៉ូតូរួចហើយដកកាំខ្លីពីចង្កេះភ្ជង់នារីរងគ្រោះ ។ បន្ទាប់ពីដកកាំភ្លើងភ្លង់ហើយជនសង្ស័យម្នាក់បានស្ទុះមកយកម៉ូតូនារីរងគ្រោះជិះមកខាងផ្លូវជាតិលេខ១ គេចខ្លួនបាត់ តែម្តង ។
ក្នុងករណីភ្ជង់ប្លន់យកម៉ូតូ នេះមិនគ្រោះថ្នាក់ដល់នារីរងគ្រោះនោះគ្រាន់តែធ្វើអោយនាងភ័យលោះព្រលឹង ។
នេះជាបទល្មើសប្លន់ថ្មីមួយ ទៀតកើតឡើងនៅដើមខែធ្នូចុងឆ្នាំ២០១៥នេះ ហើយក៍ជា សញ្ញាបង្ហាញថា ក្រុមជន សង្គមងងិតកំពុងអង្រួនសន្តិសុខនៅក្នុងខណ្ឌ ហើយក៍ ជាការរំញោចស្មារតីអោយកងកម្លាំងសមត្ថកិច្ច ត្រូវពង្រឹងសន្តិសុខឡើងវិញ ៕
ក្មេងស្រីម្ចាស់ម៉ូតូរងគ្រោះ
ដោយ៖ សណ្តោស
