ភ្នំពេញ៖ ប្តីប្រពន្ធ២នាក់រងរបួសធ្ងន់ ខណៈដែលជួបនឹងគ្រោះថ្នាក់ចរាចរណ៍បង្កឡើងដោយរថយន្តកុងតឺណ័របើកបុកពីក្រោយ នៅវេលាម៉ោង៦ព្រឹកថ្ងៃទី៧ ខែធ្នូ ឆ្នាំ២០១៥ តាមបណ្តោយផ្លូវបេតុង ក្រុម១ភូមិគោកឃ្លាងសាង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។
ជនរងគ្រោះទី១ឈ្មោះ សុខ វៃ ភេទប្រុស អាយុ២៩ឆ្នាំ មុខរបរជាងឈើស្នាក់នៅក្នុងបុរីពិភពថ្មី ភូមិក្រាំងអង្ក្រងសង្កាត់ក្រាំធ្នង់ ខណ្ឌសែនសុខ ចំណែកនារីជាប្រពន្ធមិនស្គាល់អត្តសញ្ញាណទេស្នាក់នៅជាមួយគ្នា ។
អ្នកឃើញហេតុការណ៍បានអោយដឹងថានៅមុនពេលកើតហេតុគេឃើញជនរងគ្រោះពីអ្នកប្តីប្រពន្ធជិះម៉ូតូ១គ្រឿងម៉ាកហុងដាសេ១២៥ សេរី ឆ្នាំ២០០៩ ពណ៍ក្រហម ពាក់ស្លាកលេខបាត់ដំបង 1F.6780 ឌុបគ្នាក្នុងទិសដៅពីលិចទៅកើត លុះមកដល់ចំណុចកើត ស្រាប់តែមានរថយន្តប្រភេទកុងតឺណ័រ ក្បាលពណ៍ខៀវ ពាក់ស្លាកលេខ ភ្នំពេញ 3B.1935 ដែលបើកមកពីក្រោយហើយចាប់ហ្វ្រាំងមិនទាន់ បានជ្រុលទៅបុកម៉ូតូពីក្រោយបុកខ្ទប់នឹងរបងផ្ទះប្រជាពលរដ្ឋបណ្តាលអោយពីរនាក់ប្តីប្រពន្ធនោះរងរបួសធ្ងន់ ចំណែកម៉ូតូរងការខូចខាតមួយកំណាត់មុខ ពេលនោះអ្នកបើកបរថយន្តបានរត់គេចខ្លួនបាត់។
ក្រោយកើតហេតុ សមត្ថកិច្ចនគរបាលចុះវាស់វែងហើយបានហៅរថយន្តសាម៊ុយដឹកជនរងគ្រោះទៅសង្ក្រោះនៅមន្ទីរពេទ្យ ចំណែករថយន្ត និងម៉ូតូត្រូវសមត្ថកិច្ចយកទៅរក្សារទុកនៅការិយាល័យនគរបាលចរាចរណ៍ជើងគោករាជធានីភ្នំពេញដើម្បីដោះស្រាយនៅពេលក្រោយ ៕
ដោយ៖ តុង សីហា
