ភ្នំពេញ៖ ស្នូលគ្រាប់កាំភ្លេីងមួយគ្រាប់បានផ្ទុះឡេីងបង្កឲ្យមានការភ្ញាក់ផ្អេីលដល់សមត្ថកិច្ច ខណៈក្រុមចោរមួយក្រុមមានគ្នាប្រហែល១០នាក់ បានធ្វេីសកម្មភាពដេញបាញ់ប្លន់ម៉ូតូ១គ្រឿងម៉ាកMSXរបស់ជនរងគ្រោះប្រុសស្រី២នាក់បងប្អូនបានសម្រេច នៅម្តុំផ្សារតាប៉ាង ហេីយជិះរត់គេចខ្លួនដោយសុវត្តិភាព ។
ករណីប្លន់ប្រដាប់អាវុធខាងលេីនេះ បានកេីតឡេីង កាលពីវេលាម៉ោង៣ និង៥០នាទីទៀបភ្លឺថ្ងៃទី៨ ខែធ្នូ ២០១៥នៅម្តុំផ្សារតាប៉ាង តាមបណ្តោយផ្លូវ១៣៦ចំនុច១៣៦ សង្កាត់ផ្សារថ្មី៣ ខណ្ឌដូនពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា ជនរងគ្រោះទាំង២នាក់នោះ ឈ្មោះផន សុវណ្ណរា ភេទប្រុស អាយុ២០ឆ្នាំស្នាក់នៅសង្កាត់ទឹកថ្លា ខណ្ឌសែនសុខ ដឹកប្អូនស្រីឈ្មោះ សុភិន អាយុ១៥ មុខរបររត់តុ នៅពិភពសាច់អាំង១៦៨ ។
បេីតាមប្រភពព័ត៌មានពីជនរងគ្រោះទាំង២នាក់បានឲ្យដឹងថា នៅមុនពេលកើតហេតុ ពួកគេមានគ្នា៤នាក់ស្រី២និងប្រុស២នាក់ ជិះម៉ូតូ២គ្រឿង ម៉ាក MSX ពណ៌សពាក់ស្លាកលេខ ភ្នំពេញ 1EH-7935 និងស្កុកពី ពណ៌ក្រហម ចេញពីធ្វើការនៅក្លឹប ប្លូហ្សូន ស្ថិតនៅតាមផ្លូវលេខ១៩៨៦ សង្កាត់ភ្នំពេញថ្មី ខណ្ឌសែនសុខ គោលបំណងនាំគ្នាទៅញុំាអាហារនៅមុខសណ្ឋាគារណាហ្គាវើរ លុះកំពុងធ្វេីដំណើរតាមផ្លូវ បានមកដល់ផ្សារតាប៉ាង ដែលជាចំណុចខាងលើ ស្រាប់តែមានជនសង្ស័យមួយក្រុមមានគ្នាប្រមាណជា១០នាក់ជិះម៉ូតូ៥គ្រឿង មានម៉ូតូម៉ាកហុងដា សេ១២៥ ម៉ូតូម៉ាកស៊ុយស៊ូគីនិច ម៉ូតូម៉ាកស្កុកពី និងម៉ូតូ២ គ្រឿងទៀតមិនចាំម៉ាក បានជិះមកក្បែរហេីយក៏ធ្វើសកម្មភាពដោយដកកាំភ្លើងខ្លីបាញ់គំរាម១គ្រាប់តែមិនត្រូវជនរងគ្រោះទេ ហេីយក៏មិនមានអ្នករងរបួសនោះដែល ដោយធ្វេីឲ្យជនរងគ្រោះភ័យរត់ចោរម៉ូតូ ពេលនោះជនសង្ស័យបានលេីកយកម៉ូតូជនរងគ្រោះជិះទៅបាត់ដោយសុវត្ថិភាព ។
ក្រោយពេលកើតហេតុ ជនរងគ្រោះបានទៅដាក់ពាក្យបណ្តឹងនៅប៉ុស្តិ៍ផ្សារថ្មីទី៣ឲ្យជួយអន្តរាគមន៍ផងដែរ ៕
...
ដោយ៖ ស ដារ៉ា
