ភ្នំពេញ៖ លោក William A. Heidt ឯកអគ្គរដ្ឋទូតសហរដ្ឋអាមេរិកថ្មីប្រចាំ កម្ពុជាបានបង្ហាញអំពីការរីកចម្រើនលើ គ្រប់វិស័យពីមួយថ្ងៃទៅមួយថ្ងៃរបស់ព្រះរាជាណាចក្រកម្ពុជាហើយតាមរយៈការអភិវឌ្ឍរីកចម្រើននេះសហរដ្ឋអាមេរិកសង្ឃឹមថានឹងជំរុញការវិនិយោគមកកម្ពុជា ឱ្យបានច្រើនទៀតនាពេលអនាគត។
លោកឧបនាយករដ្ឋមន្ដ្រី ហោ ណាំហុង រដ្ឋមន្ដ្រីការបរទេសនិងសហប្រតិបត្ដិការអន្ដរជាតិបានថ្លែងដូច្នេះប្រាប់ក្រុមអ្នក យកព័ត៌មានបន្ទាប់ពីលោកបានអនុញ្ញាត ឱ្យលោក William A.Heidt ឯកអគ្គរដ្ឋ ទូតថ្មីសហរដ្ឋអាមេរិកប្រចាំកម្ពុជាចូលជួបសម្ដែងការគួរសមកាលពីព្រឹកថ្ងៃទី៧ ខែធ្នូ ឆ្នាំ២០១៥ នៅទីស្ដីការក្រសួង។ លោកឧបនាយករដ្ឋមន្ដ្រីក៏បានថ្លែងអំណរគុណចំពោះជំនួយរបស់សហរដ្ឋអាមេរិកមកកាន់កម្ពុជា ពិសេសលើវិស័យសុខា ភិបាល វិស័យអប់រំ។ល។ និងកិច្ចសហ ប្រតិបត្ដិការល្អលើវិស័យយោធានាពេលកន្លងមក។
លោកក៏បានពន្យល់ដល់ឯកអគ្គរដ្ឋទូតសហរដ្ឋអាមេរិកអំពីសភាពការណ៍កន្លងមកនៅកម្ពុជាដូចជាការដែលសមាជិកសភាគណបក្សប្រជាជនកម្ពុជាបោះ ឆ្នោតដកតំណែងលោក កឹម សុខា ពីអនុ ប្រធានទីមួយរដ្ឋសភាដោយ លោក កឹម សុខា ប្រើតួនាទីនេះមួលបង្កាច់រាជរដ្ឋាភិ បាលគ្រប់ទិសទីទាំងអស់ទាំងក្នុងនិងក្រៅ ប្រទេស។ ចំពោះករណីហិង្សាលើអ្នក តំណាងរាស្ដ្រគណបក្សសង្គ្រោះជាតិទាំង ពីររូបនោះរដ្ឋសភានិងរាជរដ្ឋាភិបាល កម្ពុជាបានផ្ដន្ទាទោសយ៉ាងម៉ឺងម៉ាត់បំផុតអំពីអំពើហិង្សានេះ។ សម្រាប់ករណីតុលា ការកាត់ទោសលោក សម រង្ស៊ី គឺលោក បានបរិហារកេរ្ដិ៍ខ្ញុំហើយករណីនេះគឺគ្រាន់ តែពិន័យជាប្រាក់តែប៉ុណ្ណោះ ប៉ុន្ដែការញុះ ញង់មតិរាប់រយនាក់តាមក្រមព្រហ្មទណ្ឌគឺត្រូវមានទោសនេះជាច្បាប់ព្រោះនេះជាប្រទេសនីតិរដ្ឋដែលកម្ពុជាត្រូវតែគោរពច្បាប់រដ្ឋធម្មនុញ្ញរបស់ខ្លួន។
លោកឧបនាយករដ្ឋមន្ដ្រីបន្ដថា ករណី លោក សម រង្ស៊ី នេះគឺខ្ញុំបានទុកច្រក បើកចំហដោយមួយអាទិត្យមុននេះមានអ្នកជិតស្និទ្ធជាមួយលោក សម រង្ស៊ី សួរ ទៅលោក សម រង្ស៊ី ថាតើលោកអាចធ្វើ លិខិតសុំទោសលោកឧបនាយករដ្ឋមន្ដ្រី ហោ ណាំហុង ដែរឬយ៉ាងណានោះ។
លោក សម រង្ស៊ី មិនគ្រាន់តែមិន ឆ្លើយថែមទាំងថា ឱ្យខ្ញុំសុំទោសអ្នកដែល ស្លាប់ក្នុងរបបខ្មែរក្រហមថែមទៀត។ នេះជាពាក្យសម្ដីព្រហើនកោងកាចខ្លាំង ណាស់ដែលត្រូវតែខ្ញុំសុំឱ្យអនុវត្ដសាល ដីការបស់តុលាការឧទ្ធរណ៍។
លោកឯកអគ្គរដ្ឋទូតថ្មីសហរដ្ឋអាមេ រិកក៏បានស្នើឱ្យថ្នាក់ដឹកនាំជាន់ខ្ពស់កម្ពុជា ធានាកុំឱ្យមានអំពើហិង្សាលើអ្នកតំណាង រាស្ដ្របក្សប្រឆាំងដែលកិច្ចការនេះលោក ហោ ណាំហុង ថ្លែងថា នេះបញ្ហាធម្មតា ដែលយើងបានធានារួចមកហើយសូម្បី តែប្រជាជនធម្មតាក៏ដោយក៏មិនកើត មានដែរ។ជាមួយនេះកម្ពុជានៅតែប្រកាន់ យករបបប្រជាធិបតេយ្យសេរីពហុបក្ស ៕
ដោយ៖ សហការី
