អធិការនគរបាលខណ្ឌពោធិ៍សែនជ័យបដិសេធនគរបាលដែលបោកប្រាស់នារីរោងចក្រថា មិនមែនជាកម្លាំងរបស់ខណ្ឌទេ

ចែករំលែក៖

ភ្នំពេញ ៖ បុរសម្នាក់ដែលតាំងខ្លួនជានគរបាលខណ្ឌពោធិ៍សែនជ័យហេីយបានបោកប្រាស់នារីរោងចក្រម្នាក់យកម៉ូតូអស់ទាំងទូរស័ព្ទនោះត្រូវបានលោកយឹម សារ៉ាន់ អធិការនគរបាលខណ្ឌពោធិ៍សែនជ័យបដិសេធថាមិនមែនកម្លាំងរបស់លោកទេ។

នារីរងគ្រោះជាម្ចាស់ម៉ូតូឈ្មោះ អាន ស្រីលីន អាយុ១៩ឆ្នាំ ជាកម្មការិនីរោងចក្រ ស្នាក់នៅបន្ទប់ជួលក្នុងភូមិក្បាលដំរី សង្កាត់កាកាប២ខណ្ឌពោធិ៍សែនជ័យ ។ ចំណែកប្រុសស្នេហ៍ដែលឆបោកយកម៉ូតូ ហើយគេចខ្លួនបាត់នោះត្រូវបានប្រាប់ថា ឈ្មោះ ណាក់ ភារៈ អាយុ៣២ឆ្នាំ ជាមន្ត្រីនគរបាល តែមិនស្គាល់អាសយដ្ឋានទេ ។

ប្រភពពីនារីរងគ្រោះឲ្យដឹងទៀតថា នាងបានស្គាល់គ្នាជាមួយបុរសខាងលើ តាមរយៈហ្វេសបុ៊ក ប្រហែលជាង២ខែ ។

គួបញ្ជាក់ថាហេតុការណ៍នេះបានកេីតឡេីងកាលពីរសៀលថ្ងៃទី១៥ ខែកុម្ភៈឆ្នាំ២០១៩នៅមុខផ្សារស៊ិនជូរីផ្លាហ្សា តាមមហាវិថីសហព័ន្ធរុស្សុី ក្នុងភូមិតាងួន សង្កាត់កាកាប១ ខណ្ឌពោធិ៍សែនជ័យ ខណះដែលពួកគេទាំងពីរនាក់បានមកពីស្រុកកំណេីតខាងស្រីក្រោយមកបុរសខាងលេីបានប្រាប់នាងឲ្យចាំនៅមុខផ្សារមួយភ្លែត រូបគេជិះម៉ូតូម៉ាក់ឌ្រីមសេ១២៥ ពណ៌ខ្មៅ ស៊េរីឆ្នាំ២០១៨ពាក់ផ្លាកលេខ ភ្នំពេញ ១NT-២៩៤៣ ទៅយកកូនសោចូលផ្ទះដែលផ្ញើនឹងមិត្តភក្តិនៅអធិការដ្ឋាននគរបាលខណ្ឌពោធិ៍សែនជ័យ ព្រមទាំងយកទូរស័ព្ទដៃនាងម៉ាកហូវៃមួយគ្រឿងទៅជាមួយផង ងាយស្រួលទូរស័ព្ទរកមិត្តភក្តិក្រែងទៅរកមិនជួប ហើយក៏ទៅបាត់រហូតតែម្តង ។

ដោយចាំបាត់ៗ ហើយទូរស័ព្ទទៅមិនចូលនិងសូម្បីអាខោនហ្វេសបុ៊កក៏ប្លុកចោលទៀត ទើបនាង និងបងប្អូនសម្រេចចិត្តមកប៉ុស្តិ៍នគរបាលរដ្ឋបាលកាកាប១ ដើម្បីដាក់ពាក្យបណ្តឹងដោយកាន់រូបថតបុរសខាងលើមកជាមួយផង ។ សមត្ថកិច្ចនិយាយថា ទោះបីជាស្ត្រីម្ចាស់បណ្តឹងថា ជននោះជានគរបាលក្តី ក៏មិនទាន់អាចនិយាយឲ្យច្បាស់លាស់នៅឡើយទេថា ជានគរបាល ព្រោះជនខិលខូចអាចប្រើល្បិចបោកក៏ថាបាន ។

រហូតមកដល់រសៀលថ្ងៃទី១៩ ខែកុម្ភះនេះភ្នាក់ងារការសែតនគរវត្តបានទាក់ទងទៅលោកវីរះសេនីយ៍ឯក យឹម សារ៉ាន់ អធិការនគរបាលខណ្ឌពោធិសែនជ័យ លោកបានបញ្ជាក់ថា បុរសខាងលេីមិនមែនជាមន្ត្រីរបស់លោកទេ។

ជនរងគ្រោះបានស្នេីដល់សមត្ថកិច្ចមេត្តាជួយរកយុត្តិធម័អោយរូបនាងផងនិងតាមចាប់ជននោះយកមកផ្តន្ទាទោសតាមច្បាប់ជៀសវាងជននោះនៅតែបន្តការប្រេីរូបភាពជាកម្លាំងនគរបាលដេីរបោកប្រាស់គេទៀត៕សុខាសែនជ័យ