ខេត្តកណ្តាល៖ បុរសម្នាក់បានស្លាប់នៅកន្លែងកើតហេតុ និងម្នាក់ទៀតរងរបួសធ្ងន់ដោយសារគ្រោះថ្នាក់ចរាចរណ៍កាលពី វេលាម៉ោង២១.៤៥នាទី ថ្ងៃទី៩ ខែធ្នូ ឆ្នាំ២០១៥ចំណុចភូមិថ្នល់ទទឹង ឃុំដំណាក់អំពិល ស្រុក អង្គស្នួល ខេត្តកណ្តាលកែងផ្លវជាតិ លេខ០៤និង៥១ ផ្សារថ្នល់ទទឹងចន្លោះKM៣១.៣២  បង្កឡើងដោយរថយន្តមួយគ្រឿង មិនស្គាល់ម៉ាក (បានរត់គេចបាត់) ។

សាក្សីនិយាយថា មុនពេលកើតហេតុ បានឃើញរថយន្តបើកបរក្នុងទិសដៅពីទិសខាងត្បូង ទៅទិសខាងជើងមកដល់ចណុចខាងលើ បានជ្រុលទៅបុកម៉ូតូ ០១គ្រឿងម៉ាកC១២៥ពណ៌ខ្មៅ ពាក់ស្លាកលេខភ្នំពេញៈ១BU៩៩៣១ បើកបរដោយ ឈ្មោះ វណ្ណា សុខជា ភេទប្រុស អាយុ១៩ឆ្នាំ មានទីលំ នៅភូមិទឹកជាឃុំ ពើក ស្រុកអង្គស្នួល  ខេត្តកណ្តាល មុខរបរកម្មករ (គ្មានមួក គ្មានកញ្ចក់ ) (ស្លាប់នៅកន្លែងកើតហេតុ) ដែលបើកពីទិសខាងលិចទៅទិសខាងកើត បានឌុបឈ្មោះ ផល សុភ័ស្ស ភេទប្រុស អាយុ២០ឆ្នាំ មានទីលំនៅ ភូមិ ឃុំជាមួយគ្នាមុខរបរកម្មករ របួសធ្ងន់ ។

ក្រោយពីកើតហេតុ រថយន្តបើកគេច ហើយសមត្ថកិច្ចក៏បានប្រគល់ អោយក្រុមគ្រួសារយកទៅធ្វើបុណ្យតាមប្រពៃណី។ ចំណែកយុវជនម្នាក់ទៀតរងរបួសធ្ងន់ដឹកយកទៅសង្រ្គោះនៅមន្ទីរពេទ្យ ៕