ខេត្ដព្រះសីហនុ៖ បុរសម្នាក់បាន ស្លាប់ភ្លាមៗនៅកន្លែងកើតហេតុ បន្ទាប់ ពីជិះម៉ូតូបុកគោដើរឆ្លងផ្លូវដួលហើយ ត្រូវរថយន្ដកុងតឺន័រមួយគ្រឿងមកដល់ បុកបន្ថែមកាលពីវេលាម៉ោង៦ល្ងាច ថ្ងៃទី៩ ខែធ្នូ ឆ្នាំ២០១៥ ស្ថិតនៅតាម បណ្ដោយផ្លូវជាតិលេខ៤ ចន្លោះគីឡូ ម៉ែត្រលេខ១៩៤-១៩៥ ក្នុងភូមិអូរចំណា ឃុំអូរឧកញ៉ាហេង ស្រុកព្រៃនប់ ខេត្ដ ព្រះសីហនុ ។
ប្រភពព័ត៌មានពីសមត្ថកិច្ចបានឱ្យ ដឹងថា ជនរងគ្រោះដែលត្រូវរថយន្ដកុង តឺន័របុកស្លាប់នោះឈ្មោះ រិន ភារុន ភេទ ប្រុស អាយុ២៥ឆ្នាំ មុខរបរជាងភ្លើង មានទីលំនៅភូមិបឹងជុំ ឃុំបឹងតាព្រហ្ម ស្រុកព្រៃនប់ ខេត្ដព្រះសីហនុ ។
ប្រភពព័ត៌មានបន្ដទៀតថា មុនពេល កើតហេតុជនរងគ្រោះបានជិះម៉ូតូមួយ គ្រឿងម៉ាកហុងដាសេ១២៥ ស៊េរីឆ្នាំ ២០១៥ ពណ៌ខ្មៅ ពាក់ស្លាកលេខព្រះ សីហនុ 1E-3276 ក្នុងទឹកដៅពីភ្នំពេញ ទៅក្រុងព្រះសីហនុ ខណៈមកដល់កន្លែង កើតហេតុក៏បានបុកគោដែលកំពុងដើរ ឆ្លងផ្លូវ រួចក៏ដួលទៅប៉ះរថយន្ដកុងតឺន័រ មួយគ្រឿងម៉ាកនីសាន់ ពណ៌ខៀវ ពាក់ ស្លាកលេខភ្នំពេញ 3C-0061 ដែលបើក បរក្នុងទិសដៅបញ្ច្រាសទិសគ្នាបណ្ដាល ឱ្យជនរងគ្រោះស្លាប់ភ្លាមៗនៅនឹងកន្លែង កើតហេតុ ។ ភ្លាមៗនោះអ្នកបើកបរ រថយន្ដកុងតឺន័របានរត់គេចខ្លួនបាត់ ។
ក្រោយកើតហេតុកម្លាំងកងរាជអាវុធ ហត្ថស្រុកព្រៃនប់បានសហការជាមួយ នគរបាលចរាចរចុះមកជួយសម្រួល ចរាចរណ៍ និងវាស់វែង ព្រមទាំងយក រថយន្ដ និងម៉ូតូទៅរក្សាទុកដើម្បីដោះ តាមច្បាប់នៅពេលក្រោយ ។ ចំណែក សពជនរងគ្រោះសមត្ថកិច្ចបានប្រគល់ ឱ្យក្រុមគ្រួសារយកទៅធ្វើបុណ្យតាម ប្រពៃណី ៕
ដោយ៖ ឆ្លាមសមុទ្រ
