ខេត្តកណ្តាល៖ ការឃាត់ខ្លួនបុរសខាងលើធ្វើឡើងនៅវេលាម៉ោង១០ និង៣០នាទីថ្ងៃទី១០ ខែធ្នូ ឆ្នាំ២០១៥ នៅចំណុចក្បាលដីស្រែប្រាំងរបស់ឈ្មោះជីម ជីក្នុងភូមិកប៉ាល់កឿង ឃុំសំពៅពូន ស្រុកកោះធំ ខេត្តកណ្តាល ។

សមត្ថកិច្ចបានប្រាប់ឲ្យដឹងថា ជនសង្ស័យឈ្មោះខន.វិចិត្រ ភេទប្រុស អាយុ២៦ឆ្នាំ ជនជាតិខ្មែរ មុខរបរកសិករ មានទីលំនៅៗភូមិព្រែកស៉ឹង ឃុំសំពៅពូន ស្រុកកោះធំខេត្តកណ្តាល ។ រីឯជនរងគ្រោះឈ្មោះជីម ជី ភេទប្រុស អាយុ២៧ឆ្នាំជនជាតិខ្មែរមុខរបរកសិករ រស់នៅភូមិឃុំកើតហេតុខាងលើ ។ ដកហូតបានម៉ូតូមួយគ្រឿងរបស់ជនរងគ្រោះ ម៉ាកហុងដា គុបជ្រុង សេ៧០ ពណ៌ខៀវចាស់ស្លាកលេខកណ្តាល1J-9539 ។

សមត្ថកិច្ចបានបន្តទៀតថា នៅវេលាម៉ោងខាងលើមុនពេលកើតហេតុជនរងគ្រោះបានជិះម៉ូតូរបស់ខ្លួនចេញពីផ្ទះទៅចំណុចដីស្រូវដល់នៅវេលាម៉ោងប្រមាណ៦ព្រឹក ហើយបានទុកម៉ូតូនៅក្បាលដីខ្នងព្រែកថ្មីត្រើយខាងត្បូង បន្ទាប់មកម្ចាស់ម៉ូតូបានដើរទៅបាញ់ថ្នាំស្រូវនៅចុងដីលុះដល់វេលាម៉ោងកើតហេតុមានឈ្មោះណេង ម៉ារា បានរត់ទៅប្រាប់ម្ចាស់ម៉ូតូថា មានចោរឡើងជិះម៉ូតូរបស់គាត់ ឮដូចនេះបានរត់មកមើលកន្លែងទុកម៉ូតូបានឃើញខុសលក្ខណៈដើមភ្លាមនោះបងប្អូននៅធ្វើស្រូវជិតៗគ្នាជួយព័ទ្ធចាប់ខ្លួនបានរួចហើយក៏ទូរស័ព្ទមកប៉ុស្តិ៍រដ្ឋបាលសំពៅពូនជួយអន្តរាគមន៍ក្នុងករណីនេះ ៕