ភ្នំពេញ៖ ហេតុការណ៍អគ្គីភ័យកំពុងឆាប់ឆេះផ្ទះម្លិះម៉ាស្សា និងស្ទឹមកើតឡើងកាលវេលាម៉ោង៣ និង១៥នាទីថ្ងៃទី១០ ខែធ្នូ ឆ្នាំ២០១៥ ដែលស្ថិតនៅផ្ទះលេខ១២៦ ក្រុម៧១ ភូមិ១ តាមបណ្តោយផ្លូវសុធារស់ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
អគ្គីភ័យកំពុងឆាប់ឆេះនេះគឺបណ្តាលមកពីទុសេខ្សែភ្លើង និងកំពុងតែអន្តរាគមន៍បាញ់ពន្លត់ភ្លាមៗ ប្រើប្រាស់រថយន្តពន្លត់អគ្គីភ័យចំនួន១គ្រឿង ។
ប្រភពពត័មានពីកន្លែងកើតហេតុបានប្រាប់អោយដឹងថា នៅមុនពេលកើតហេតុ គេឃើញមានផ្សែងហុយៗពីប្រអប់ខាងលើដែលមានយីហោ ម្លិះ ម៉ាស្សា និងស្ទឹម ហើយអមដោយអណ្តាតភ្លើងតិចៗបានបង្កអោយភ្ញាក់ផ្អើលដល់ប្រជាពលរដ្ឋ និងអ្នកធ្វើការនៅក្នុងនោះហើយបានទំនាក់ទំនងទៅនរគបាលមូលដ្ឋានហៅរថយន្តពន្លត់អគ្គិភ័យមកបាញ់ពន្លត់ភ្លើង រួចក៏មានរថយន្តពន្លត់អគ្គីភ័យសរុប៦គ្រឿងតែប្រើប្រាស់រថយន្តពន្លត់អគ្គិភ័យអស់តែ១គ្រឿងក៏បាញ់ពន្លត់ភ្លើងទៅហើយ ។
ប្រភពបានឲ្យដឹងទៀតថា អគ្គិភ័យនេះបណ្ដាលមកពីទុស្សេចរន្តអគ្គិសនី តែមិនបណ្ដាលឲ្យមនុស្សណារងរបួសនោះទេ ប៉ុន្តែបានរងការខូចខាតសម្ភារៈមួយចំនួនទៀត ៕
...
ដោយ៖ ស រស្មី
