ភ្នំពេញ៖បុរសម្នាក់បើកម៉ូតូមួយគ្រឿងក្នុងល្បឿនយ៉ាងលឿនដល់ផ្លូវកោងមិនបានបន្ថយល្បឿនក៏ជ្រុលបុកឃឿនបណ្តាលអោយរងរបួសធ្ងន់សម្លប់ស្តូកស្តឹងតែម្នាក់ឯង។

ហេតុការណ៍នេះបានកើតឡើងកាលពីវេលាម៉ោង
១១នឹង៣០នាទីយប់ថ្ងៃទី២៥ខែមិនាឆ្នាំ២០១៩តាមបណ្តោយផ្លូវ៥១នៅចំណុចរង្វង់មូលវត្តភ្នំស្ថិតនៅក្នុងសង្កាត់វត្តភ្នំខណ្ឌដូនពេញ។

តាមប្រភពពត៌មានពីសាក្សីដែលឃើញហេតុការណ៍
បានអោយដឹងថាមុនពេលកើតហេតុគេបានឃើញបុរសម្នាក់វ័យប្រហែលជា៣០ឆ្នាំជិះម៉ូតូមួយគ្រឿងម៉ាក
ហុងដាឌ្រីមសេ១២៥ពណ៌ខ្មៅពាក់ស្លាកលេខភ្នំពេញ
1CG-4016បើកបរតាមបណ្តោយផ្លូវ៤៧ក្នុងទិសដៅពីជើងទៅត្បូងខណៈមកដល់ចំណុចកើតហេតុ
ដោយសារតែម្ចាស់ម៉ូតូស្រវឹងស្រាហើយបើកលឿនមិនបានប្រយ័ត្នផ្លូវកោងអត់បានបន្ថយល្បឿនក៏ជ្រុលទៅបុក
ឃឿននៅក្បែររង្វង់មូលវត្តភ្នំបណ្តាលអោយជនរងគ្រោះបោកនឹងឃឿនបែកក្បាលហូរឈាមស្រោចពេញខ្លួនរងរបួសធ្ងន់សម្លប់ស្តូកស្តឹងនៅនឹងកន្លែងកើតហេតុចំណែកឯម៉ូតូរបស់ជនរងគ្រោះវិញខូចខាតតិចតួចតែប៉ុណ្ណោះភ្លាមៗនោះដែរមានមិត្តភ័ក្ររបស់ជនរងគ្រោះគាត់បានមកដល់កន្លែងកើតហេតុនឹងសមត្ថកិច្ចមូលដ្ឋានគាត់បានទំនាក់ទំនងហៅរថយន្តសង្គ្រោះរបស់គ្លីនិកឯកជនហុងហាក់ដឹកយកទៅព្យាបាលប៉ុន្តែដោយសារតែរបួសជនរងគ្រោះធ្ងន់ធ្ងរពេកក៏សុំអោយរថយន្តសាមុយដឹកយកទៅ
ព្យាបាលនៅមន្ទីរពេទ្យកេតុមាលាវិញ។

ក្រោយពេលកើតហេតុម៉ូតូរបស់ជនរងគ្រោះត្រូវបាន
សមត្ថកិច្ចប៉ុស្តិ៍វត្តភ្នំប្រគល់ទៅអោយខាង
ជំនាញ​ចរាចរណ៍​ខណ្ឌដូនពេញយកទៅរក្សាទុកនៅដើម្បីចាំបងប្អូនរបស់ជនរងគ្រោះមកទទួលយកទៅវិញ៕ធឿនព្រែកជ័យ