ភ្នំពេញ៖ នគរបាលប៉ុស្តិ៍ទឹកល្អក់១ ខណ្ឌទួលគោក បានឃាត់ខ្លួនយុវសិស្សម្នាក់ក្នុងចំណោម បក្ខពួក១០នាក់ ធ្វើសកម្មភាពកាប់ទៅលើសិស្សសាលាម្នាក់ខុស តែត្រូវម៉ូតូនោះ។
ករណីនេះ បានកើតមានឡើងកាលពីម៉ោង១១និង៣០នាទីព្រឹក ថ្ងៃទី១២ខែធ្នូឆ្នាំ២០១៥ នៅចំណុចមុខសាលាវេ៉សឡាញន៍សាខាសន្ធរម៉ុក ផ្លូវលេខ១២២កែង២៥៣ ក្រុម៤៨ ភូមិ១៣ សង្កាត់ទឹកល្អក់១ ខណ្ឌទួលគោក។
ជនសង្ស័យឈ្មោះ ពៅ កៃសុីង ភេទប្រុស អាយុ ១៦ឆ្នាំ មុខរបរសិស្សថ្នាក់១២c1 នៅវិទ្យាល័យជាសីុមសន្ធរម៉ុក ស្នាក់នៅផ្ទះលេខ ជួល ផ្លូវលេខ២៤៧ សង្កាត់បឹងសាឡាង ខណ្ឌទួលគោក ។ រួមនិងបក្ខពួកជនដៃដល់មានគ្នាប្រហែល១០នាក់ ជិះម៉ូតូ០៥គ្រឿង និងមានដាវកែឆ្នៃ០៣ដេីមដកហូតបាន០២ដេីម។
ជនរងគ្រោះឈ្មោះ ដាំ សុក្រកក្កដា ភេទប្រុស អាយុ១៥ឆ្នាំ មុខរបរសិស្សទី១០ក នៅសាលារៀនវេ៉សឡាញន៍ ស្នាកនៅផ្ទះលេខ១៦៨ ផ្លូវបេតុង ភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ សំភារៈខូចខាតគ្រាន់តែរហែកកែបពូកម៉ូតូ និងឆែបកាងក្រោយម៉ូតូ ប៉ុណ្ណោះ។
តាមប្រភពព័ត៍មានពី មន្ត្រីនគរបាលឥខណ្ឌទួលគោកបានអោយដឹងថានៅមុនពេលកើតហេតុជនរងគ្រោះបានជិះម៉ូតូម៉ាកMSXតែម្នាក់ឯងចេញពីសាលារៀនវ៉េសឡាញន៍ គោលបំណងទៅផ្ទះ ពេលជិះដល់ផ្លូវកែងកម្ពុជាក្រោម ក៍បានជួបក្រុមជនសង្ស័យមានគ្នាប្រហែល១០នាក់ ជិះម៉ូតូ០៥គ្រឿង ហេីយក៏ស្រាប់តែពួកគេដកដាវ កាប់មកលេីជនរងគ្រោះ ឃេីញដូចនោះ ជនរងគ្រោះក៍បានជិះម៉ូតូ បកក្រោយមកសាលាវ៉េសឡាញន៍វិញ ដេីម្បីអោយគេជួយ ពេលដល់សាលាជនរងគ្រោះក៍បានទុកម៉ូូតូចោល ហេីយក៍រត់ចូលក្នុងសាលា ពេលនោះក្រុមជនសង្ស័យក៍បានកាប់ទៅលេីម៉ូតូជនរងគ្រោះ០១ដាវ ចំពូកម៉ូតូនិងកាងខាងក្រោយ ភ្លាមខាងសន្តិសុខសាលាវ៉េសឡាញន៍ឃេីញ ក៍បានចាប់ឃាត់បានក្រុមជនសង្ស័យបាន០១នាក់និងដាវកែឆ្នៃ០២ដេីម ប្រគល់អោយសមត្ថកិច្ចយេីង ដេីម្បីចាត់ការតាមនីតិវិធី ៕
ដោយ៖ ស ដារ៉ា
