ភ្នំពេញ ៖ នៅថ្ងៃទី១១ ខែមេសា ឆ្នាំ២០១៩ ប្រតិភូក្រសួងការពារជាតិដឹកនាំដោយ នាយឧត្តមសេនីយ៍ ម៉ឹង សំផន រដ្ឋលេខាធិការក្រសួងការពារជាតិ តំណាងសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួ ងការពារជាតិ នាយទាហានជាន់ខ្ពស់ជាច្រេីនរូបទៀត អញ្ជើញចុះសំណេះសំណាល សួរសុខទុក្ខ ជាមួយនាយទាហាន នាយទាហានរង និងពលទាហាន កងពលតូចដឹកជញ្ជូនលេខ៩៩ ឈរជេីងក្នុងខណ្ឌពោធិសែនជ័យ រាជធានីភ្នំពេញ។
បន្ទាប់ពីមតិស្វាគមន៍ និងស្តាប់របាយការណ៍ លទ្ធផលការងារ ដែលកងពលតូចដឹកជញ្ជូនលេខ ៩៩ សំរេចបាន អានដោយលោកឧត្តមសេនីយ៍ទោ ហ៊ុល សំអុន មេបព្ជាាការកងពលបានចូលរួមសហការការពារ សន្តិសុខ ដឹកជញ្ជូន កសាងកង ឯកភា ព ហ្វឹកហ្វឺន និងបង្កបង្កើនផលចឹញ្ចឹមសត្វ ធានាជីវភាពរស់នៅដល់កងទ័ពរួចមក ។
នាយឧត្តមសេនីយ៍ ម៉ឹង សំផន ក្នុងនាមសម្តេចពិជ័យសេនា សម្តេចតេជោ និងសម្តេចកិត្តិព្រឹទ្ធបណ្ឌិត ពាំនាំការសាកសួរសុខទុក្ខ ចំពោះនាយទាហាន នាយទាហានរង និងពលទាហាន ចំណុះកងពលជានិច្ចជាកាល សម្តេចតែងតែយកចិត្តទុក្ខដាក់ ដល់បងប្អូនកងទ័ព ទាំងការហូបចុក ស្នាក់នៅថែទាំ សុខភាពរបស់បងប្អូន។
ក្នុងនោះ ការកសាងកម្លាំងទ័ព ឈានដល់ការរំដោះជាតិឱ្យរួចផុតពីរបបប្រល័យពូជសាសន៍ បញ្ចប់សង្គ្រាម មានសន្តិភាពពេញលេញរហូតដល់សព្វថ្ងៃ គឺជាកម្លាំងពិតប្រសូត្រចេញពីស្នាដៃ សម្តេចតេជោ ចាប់តាំងពីបាតដៃទទេរហូតដល់បច្ចុប្បន្ន មានការរីកចម្រើនគ្រប់វិស័យ។
រដ្ឋលេខាធិការ ក្រសួងការពារជាតិ បន្តទៀតថា៖ គោលនយោបាយរបស់រាជរដ្ឋាភិបាល ក្រោមការដឹកនាំពីសម្ដេចតេ ជោ យកចិត្តទុកដាក់ដឹកនាំកសាងប្រទេស ឱ្យមានសុខសន្តិភា ព ការអភិវឌ្ឍសេដ្ឋកិច្ចរីកចម្រើន និងដំឡើងប្រាក់បៀវត្សរ៍ ដល់មន្ត្រីរាជការក៏ដូចជាកងកម្លាំងប្រដាប់អាវុធ ទទួលប្រាក់បៀវត្សកើនឡើងជាបន្តបន្ទាប់ ជាការរួមចំណែកធ្វើឱ្យជីវភាពរស់នៅរបស់បងប្អូនកងទ័ពកាន់តែប្រសើជាងមុន។
លោកបញ្ជាក់ទៀតថា សម្រាប់កងទ័ពការងារ ភស្តុភារ-ហិរ ញ្ញវត្ថុ មានសារៈសំខាន់ណាស់ ដើម្បីកសាងកម្លាំងលើវិស័យការពារជាតិអោយរឹងមាំ ត្រូវតែលុបបំបាត់អោយអស់ទ័ពខ្មោច បែងចែកគោលរបបអោយបានដល់ដៃកងទ័ព និងគ្រប់គ្រងចំនួនស្របតាមគោលនយោបាយ រដ្ឋាភិបាលអណត្តិទី៦ ក្រោមការដឹកនាំរបស់ សម្តេចតេជោ ហ៊ុន សែន អោយកងទ័ពកាន់តែមានសមត្ថភាព និងមានជីវភាពរស់នៅប្រសើរជាងមុន។
លោកម៉ឹង សំផន ជូនពរក្នុងឱកាសបុណ្យចូលឆ្នាំថ្មីប្រពៃណីជា តិ ឆ្នាំកុរ ឯកស័ក ពុទ្ធសករាជ ២៥៦៣និងឈានមកដល់នាពេលខាងមុខនេះ សូមទេវតាឆ្នាំថ្មី ដែលមាន ព្រះនាមព្រះនាង ធុង្ស:ទេវី ជួយតាមបីបាច់ថែរក្សាដល់នាយទាហាន នាយទាហា នរងនិងពលទាហានទាំងអស់ ជួបសេចក្តីសុខ សេចក្តីចម្រេីន ទទួលបានពុទ្ធពរទាំងបួនប្រការគឺ អាយុ វណ្ណ: សុខ: ពល: កុំ បីឃ្លៀងឃ្លាតឡេីយ។
ក្នុងឱកាសនោះដែរ គណៈអធិបតី នាំយកអំណោយគ្រឿងឧប ភោគ បរិភោគ សំភារៈ និងថវិកាមួយចំនួនចែកជូនដល់នាយទាហាន នាយទាហានរង និងពលទាហាន ចំណុះកងពលតូចដឹកជញ្ជូនផងដែរ ៕ សុខដុម
