ភ្នំពេញ៖ ជនសង្ស័យម្នាក់ត្រូវប្រជាការពារចាប់ប្រគល់អោយសមត្ថកិច្ចប៉ុស្តិ៍ទឹកថ្លាខណៈដែលរូបគេបានធ្វើសកម្មភាពលួចយកការបូបស្ពាយរបស់ស្ត្រីម្នាក់នៅពេលដែលគាត់កំពុងតែដាក់បាត្រលោក ។

ករណីឃាត់ខ្លួនជនសង្ស័យនេះនៅវេលាម៉ោង៨ និង៣០នាទីព្រឹកថ្ងៃទី១៥ ខែធ្នូ ឆ្នាំ២០១៥ នៅចំណុចភូមិសេប៉េសេ សង្កាត ទឹកថ្លា ខណ្ឌសែនសុខ ។

ជនសង្ស័យមានឈ្មោះ ភណ្ឌ័ វាសនា ភេទប្រុស អាយុ៣៤ឆ្នាំមុខរបរធ្វើសំណង់ ស្នាក់នៅមិនពិតប្រាកដ ។ ចំណែកស្ត្រីរងគ្រោះមានឈ្មោះ ស៊ុន ផល្លី អាយុ៤៥ឆ្នាំមុខរបរលក់នំបុ័ង ស្នាក់នៅភូមិត្រពាំងឈូក សង្កាត់ទឹកថ្លា ខណ្ឌសែនសុខ ។

តាមការអោយដឹងពីស្ត្រីរងគ្រោះបានអោយដឹងថា នៅមុនពេលកើតហេតុគាត់បានទុកកាបូបស្ពាយនៅលើរទេះហើយគាត់បានដើរទៅដាក់បាត្រលោកពេលនោះក៍លេចមុខជនសង្សយ័ខាងបានធ្វើសកម្មភាពលួចយកការបូបគាត់ ហើយរត់គេចខ្លួនពេលនោះស្ត្រីរងគ្រោះបានឃើញក៏ស្រែកឆោឡោអោយគេជួយខណៈនោះប្រជាការពារប្រចាំការនៅគោលដៅក្បែរនោះក៏បានដេញចាប់បានប្រគល់ឲ្យនគរបាលប៉ុស្តិ៍ទឹកថ្លាតែម្តង ។

បច្ចុប្បន្នជនសង្ស័យកំពុងសាកសួរ និងបញ្ជួនខ្លួនទៅអធិការដ្ឋានខណ្ឌសែនសុខដើម្បីចាត់ការបន្តតាមនិតិវិធី ៕

ដោយ៖ តុង​ សីហា