ខេត្ដបាត់ដំបង៖ នារីម្នាក់បានផឹកថ្នាំ ពុលប៉ុនប៉ងសម្លាប់ខ្លួនតែមិនបាន សម្រេចនៅបន្ទាប់ពីម្ដាយស្ដីបន្ទោស បន្ដិចបន្ដួចឱ្យកាត់បន្ថយទូរស័ព្ទទៅរក មិត្ដប្រុសដែលធ្វើឱ្យប៉ះពាល់ដល់កិត្ដិ យសក្នុងគ្រួសារព្រោះខ្លួនជាស្រី ។
ហេតុការណ៍នេះបានបង្កឱ្យមានការ ភ្ញាក់ផ្អើលឡើងនៅវេលាម៉ោង៧និង២០ នាទីព្រឹកថ្ងៃទី១៦ ខែធ្នូ ឆ្នាំ២០១៥ នៅ* ភូមិតាគ្រួក ឃុំត្បែង ស្រុករតនមណ្ឌល ខេត្ដបាត់ដំបង ហើយក្រោយពីកើត ហេតុក្រុមគ្រួសារនារីរងគ្រោះបានដឹង នារីរងគ្រោះទៅសង្គ្រោះនៅក្នុងមន្ទីរ ពេទ្យបង្អែកខេត្ដប៉ៃលិន ។
នារីដែលប៉ុនប៉ងសម្លាប់ខ្លួនតែពុំបាន សម្រេចហើយត្រូវក្រុមគ្រួសារដឹងនិង ដឹកយកមកជួយសង្គ្រោះទាន់នោះឈ្មោះ អៃ ស្រស់ អាយុ២០ឆ្នាំ រស់នៅភូមិ-ឃុំ កើតហេតុខាងលើ ។
បើតាមក្រុមគ្រួសារនារីរងគ្រោះឱ្យ ដឹងថា នៅមុនពេលកើតហេតុម្ដាយនារី រងគ្រោះនិងបងប្អូនជីដូនមួយបានស្ដី បន្ទោសនិងប្រដែប្រដៅឱ្យនារីរងគ្រោះ កាត់បន្ថយនិងឈប់ទូរស័ព្ទទៅរកមិត្ដ ប្រុសច្រើនពេកព្រោះខ្លួនជាស្រី វានាំឱ្យ ប៉ះពាល់ដល់កិត្ដិយសក្នុងគ្រួសារ ។ គ្រាន់ តែប៉ុណ្ណឹងនារីរងគ្រោះក៏បានដើរទៅខាង ក្រោយផ្ទះចូលទៅក្បែរទ្រុងមាន់សំងំផឹក ថ្នាំពុលប្រភេទទឹកពណ៌ខៀវ ដែលឪពុក នារីរងគ្រោះទុកសម្រាប់បាញ់ស្មៅ តែ ដោយសារម្ដាយមានការសង្ស័យបាត់ កូនស្រីមិនឃើញត្រឡប់មកវិញ។ ពេល នោះក៏បានទៅអើតឈ្ងោគមើល ស្រាប់ តែឃើញនាងដួលដេកនៅលើដីបែក ពពុះមាត់តែម្ដង ទើបដឹងថាកូនស្រីផឹក ថ្នាំបាញ់ស្មៅសម្លាប់ខ្លួនព្រោះនៅក្បែរ ខ្លួនរបស់នាងមានដបថ្នាំពុលនិងគម្រប ដបថ្នាំដែលនាងចាក់យកមកផឹក។ ភ្លាមៗនោះមានការភ្ញាក់ផ្អើល ហើយ ក្រុមគ្រួសារក៏បានដឹកបញ្ជូនមកកាន់ មន្ទីរពេទ្យបង្អែកខេត្ដប៉ៃលិនដើម្បីឱ្យ ក្រុមគ្រួពេទ្យជួយសង្គ្រោះ ។
ក្រុមគ្រួពេទ្យបានឱ្យដឹងថា នារីរង គ្រោះបានរួចផុតពីសេចក្ដីស្លាប់នៅ បន្ទាប់ពីគ្រូពេទ្យបានលាងក្រពះនិងដាក់ សេរ៉ូម ព្រមទាំងឱ្យថ្នាំផឹក ។
ករណីខាងលើនេះអ្នកភូមិបានលើក ឡើងថា នារីរងគ្រោះមិនគួរគិតខ្លីចង់ សម្លាប់ខ្លួនព្រោះតែម្ដាយស្ដីប្រដៅឱ្យ កូនល្អបែបនេះទេ ។ ការដែលឪពុកម្ដាយ បងប្អូនស្ដីប្រដៅនេះព្រោះចង់ឱ្យកូន មានកិត្ដិយសនិងមានអនាគតប៉ុណ្ណោះ គ្មានឪពុកម្ដាយណាចង់ឱ្យកូនធ្វើអ្វីផ្ដេស ផ្ដាសខុសប្រពៃណីដោយសារតែកូនស្រី ទៅទាក់ទងប្រុសឈ្មោលដែលញាតិជិត ខាងមើលមិនសមភ្នែកនោះទេ ៕
ដោយ៖ ស សារ៉េត
