ខេត្ដរតនគិរី៖ កាលពីថ្ងៃទី១៦ ខែធ្នូ ឆ្នាំ២០១៦ អគ្គនាយកដ្ឋានពន្ធនាគារ និងមន្ដ្រីនគរបាលខេត្ដរតនគិរីបញ្ចប់ការស៊ើបអង្កេតពាក្យប្ដឹងចោទប្រកាន់រឿង អាស្រូវរបស់ប្រធានពន្ធនាគារខេត្ដ ហើយប៉ុន្ដែលទ្ធផលមិនទាន់ត្រូវបាន បញ្ចេញឱ្យដឹងជាសាធារណៈនៅឡើយ ។ ជាមួយគ្នានោះសាក្សីជាទណ្ឌិតម្នាក់ និង មន្ដ្រីអនុប្រធានពន្ធនាគារមួយរូបត្រូវ បានក្រុមការងារនៃអគ្គនាយកដ្ឋានពន្ធ នាគារនាំមករាជធានីភ្នំពេញជាបណ្ដោះអាសន្ន ដើម្បីធានាសុវត្ថិភាពនិងការ ស៊ើបអង្កេតប្រកបដោយតម្លាភាពជុំវិញការចោទប្រកាន់រឿងអាស្រូវរបស់ប្រធានពន្ធនាគារខេត្ដរតនគិរី ។
រយៈពេល៣ថ្ងៃ ចាប់ពីថ្ងៃទី១៤ រហូត ថ្ងៃទី១៦ ខែធ្នូ មន្ដ្រីនៃអគ្គនាយកដ្ឋាន ពន្ធនាគារ រួមជាមួយមន្ដ្រីខេត្ដរតនគិរី បានបើកការស៊ើបអង្កេតបណ្ដឹងចោទ ប្រកាន់ប្រធានពន្ធនាគារខេត្ដ លោក ទិន សុវណ្ណនី ជុំវិញរឿងអាស្រូវ១៤ចំណុច ។
អ្នកនាំពាក្យអគ្គនាយកដ្ឋានពន្ធនាគារ លោក នុត សាវនាអះអាងថា ការផ្ទេរ សាក្សីនិងដើមបណ្ដឹងពីកន្លែងកើតហេតុជាបណ្ដោះអាសន្នដើម្បីធានាការស៊ើប អង្កេតឱ្យមានភាពសុក្រឹត តម្លាភាព និង ចៀសវាងកុំឱ្យមានការគាបសង្កត់ ឬការ ភ័យខ្លាចណាមួយទៅលើសាក្សីនៃអង្គ ហេតុ ។ លោកបន្ដថា លទ្ធផលយ៉ាងណា នោះក្រុមការងារនឹងធ្វើរបាយការណ៍ជូនថ្នាក់ដឹកនាំអគ្គនាយកដ្ឋានពន្ធនាគារនៅពេលបញ្ចប់បេសកកម្ម ។
ទណ្ឌិតដែលត្រូវបញ្ជូនទៅភ្នំពេញគឺ ស្ដ្រីឈ្មោះ ទីង ប៉េក និងអនុប្រធានពន្ធនា គារ គឺអ្នកស្រី ឆោម ស្រីពេជ្រ ។ កាល ពីដើមសបា្ដហ៍នេះពាក្យបណ្ដឹងរបស់មន្ដ្រី ពន្ធនាគារខេត្ដរតនគិរី៣២នាក់ត្រូវបាន គេបង្ហោះលើបណ្ដាញទំនាក់ទំនងសង្គម ហ្វេសប៊ុក (Facebook) ហើយត្រូវបាន គេចែកចាយបន្ដពីម្នាក់ទៅម្នាក់ ។ ពាក្យ បណ្ដឹងរបស់មន្ដ្រីពន្ធនាគារទាំង៣២នាក់ ប្ដឹងទៅអគ្គនាយកពន្ធនាគារដោយចោទប្រកាន់ប្រធានពន្ធនាគារខេត្ដរតនគិរីពី រឿងអាស្រូវចំនួន១៤ចំណុចរួមមានការប្រព្រឹត្ដអំពើពុករលួយ នាំអ្នកទោសចេញ ទៅធ្វើការក្រៅពន្ធនាគារ និងនាំអ្នកទោស ជាស្ដ្រីទៅរួមរ័កក្រៅពន្ធនាគារជាដើម ។
ប្រធានកងការពារពន្ធនាគារលោក កយ ព្រេល កត់សម្គាល់ថា ការចោទ ប្រកាន់របស់មន្ដ្រីពន្ធនាគារទាំង៣២រូប មិនមានភស្ដុតាងជាក់លាក់ឡើយ ។
កំណត់ហេតុសាកសួររបស់មន្ដ្រីពន្ធនាគារខេត្ដរតនគិរីទៅលើសាក្សីជាស្ដ្រី ទណ្ឌិតឈ្មោះ ទីង ប៉េក ដែលដើមចោទ បានប្ដឹងថា នាងត្រូវបានប្រធានពន្ធនាគារ នាំចេញក្រៅដើម្បីរួមភេទឃើញមាន ស្នាមមេដៃ និងបញ្ជាក់ថា ប្រធានពន្ធ នាគារមិនបានរួមរ័កជាមួយនាងដូច ពាក្យចចាមអារ៉ាមនោះទេ ។
ប្រធានពន្ធនាគារខេត្ដរតនគិរី លោក ទិន សុវណ្ណនី បានបដិសេធការចោទ ប្រកាន់ទាំងអស់របស់មន្ដ្រីក្រោមឱវាទ ។ លោកបានចោទប្រកាន់ក្រុមអ្នកដែល ប្ដឹងរូបលោកនោះវិញថា ជាអ្នកដែលមិន បានបំពេញការងារតាមតួនាទី ។ លើស ពីនេះមន្ដ្រីខ្លះបានជក់គ្រឿងញៀន និង ដើររកស៊ីជាឯកជនមិនមកធ្វើការ ។ លោក ថា ពួកគេខឹងហើយប្រឌិតរឿងប្ដឹងរូប លោកបន្ទាប់ពីលោកបានហៅពួកគេ មកអប់រំនិងធ្វើកិច្ចសន្យាឱ្យគោរពវិន័យអង្គភាព ៕
ដោយ៖ ហេង នរិន្ទ្រ
