ខេត្តកំពង់ស្ពឺ៖ មុខសញ្ញាជួញដូរថ្នាំញៀន៤នាក់ត្រូវបានឃាត់ខ្លួនខណៈដែលធ្វើសកម្មភាពលក់ថ្នាំទៅឣោយឣ្នកប្រើប្រាស់ ក្នុងនោះដកហូតបានវត្ថុតាងមួយចំនួនផងដែរ ។

ការឃាត់ខ្លួននេះធ្វើឡើងកាលពីវេលាម៉ោង ២១ និង៤៥នាទីថ្ងៃទី១៧ ខែធ្នូ ឆ្នាំ២០១៥ នៅចំណុចភូមិត្រពាំងលើក សង្កាត់រកាធំ ក្រុងច្បារមន ខេត្តកំពង់ស្ពឺ ។

ជនសង្ស័យចំនួន០៤នាក់ ដែលកងរាជឣាវុធហត្ថឃាត់ខ្លួនពីបទចែកចាយគ្រឿងញៀនដូចមានខាងក្រោម ទី១-ឈ្មោះ សុខ ចាន់រ៉ាវី ភេទប្រុស អាយុ ១៧ឆ្នាំ មុខរបរមិនពិតប្រាកដ មានទីលំនៅភូមិមុខខេត្ត សង្កាត់រកាធំ ក្រុងច្បារមន ខេត្តកំពង់ស្ពឺ ទី២-ឈ្មោះ សាន់ ថានូ ភេទប្រុស អាយុ១៧ឆ្នាំ មុខរបរមិនពិតប្រាកដ មានទីលំនៅភូមិរំលោងប្រឃ្លះ សង្កាត់រកាធំ ក្រុងច្បារមន ខេត្តកំពង់ស្ពឺ ទី៣-ឈ្មោះ អ៊ុំ សុផល ភេទប្រុស អាយុ២២ឆ្នាំ មុខរបរមិនពិតប្រាកដមានទីលំនៅ ភូមិព្រៃក្តី សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ និងទី៤-ឈ្មោះ ឈឹម រាជ ភេទប្រុសអាយុ២១ឆ្នាំ មុខរបរមិនពិតប្រាកដ មានទីលំនៅភូមិស្វាយក្រវ៉ាន់ សង្កាត់ស្វាយក្រវ៉ាន់ ក្រុងច្បារមន ខេត្តកំពងស្ពឺ ។

លោកឣនុសេនីយ៍ឯក ធីឆៃ មេបញ្ជាដ្ឋានការកងរាចឣាវុធហត្ថធាក្រុងច្បារមនបានឣោយដឹងថា ការបង្ក្រាបនេះសមត្ថកិច្ចឣាវុធហត្ថក្រុងច្បារមនដកហូតសម្ភារៈ និងវត្ថុតាងរួមមាន៖ ថ្នាំម៉ាទឹកកកចំនួន 05កញ្ចប់តូច 04កញ្ចប់ ធំ 01កញ្ចប់, ទូរសព្ទ័ដៃ 04គ្រឿង, ម៉ូតូ 01គ្រឿង, ដែកកេះ 02, លុយរៀល 6000រៀល, កន្ទោងសំរាប់ជក01, កាបូបដាក់លុយ 02 ។

បច្ចុប្បន្ន ជនសង្ស័យ ខាងលើនិងសម្ភារៈវត្ថុតាងត្រូវបានកម្លាំងកងរាជអាវុធហត្ថក្រុងច្បារមន បានបញ្ជូនមកទីបញ្ជាការដ្ឋានអាវុឌហត្ថខេត្ត
ដើម្បីចាត់ការទៅតាមនីតិវិធី ។

លោកឣនុសេនីយ៍ឯក ទិត្យវណ្ណ ប្រធានមន្ទិីរយុត្តិធម៌បានឣោយដឹងដែរថា ពេលនេះជំនាញបានកសាងសំណុំរឿងបញ្ជូនទៅកាន់សាលាដំបូងខេត្តដើម្បីចាត់ការបន្តតាមនីតិវិធី ៕

ដោយ៖ សេនាស័ក្តិ