ភ្នំពេញ៖ ជនសង្ស័យម្នាក់រួមនិងកាំភ្លើងខ្លីប្រើខ្យល់១ដើមនិងថ្នាំញៀនចំនួន២កញ្ចប់ធំ១តូច១ដែលជាប់ពាក់ពន្ធ័និងករណីជួញដូរគ្រឿងញៀនត្រូវបានសមត្ថកិច្ចឃាត់ខ្លួន។
ករណីឃាត់ខ្លួនជនសង្ស័យខាងលើនេះបានធ្វើឡើងនៅពីម៉ោង១១និង០០នាទីថ្ងៃទី១៨ខែធ្នូ ឆ្នាំ ២០១៥ នៅចំណុចផ្លូវ១០០៣ភូមិទំនប់សង្កាត់ភ្នំពេញថ្មីខណ្ឌសែនសុខ។
ជនសង្ស័យមានឈ្មោះ ឡុង វុទ្ធី ភេទប្រុសអាយុ២៩ឆ្នាំមុខរបរជាងដេគ័រ ស្នាក់នៅភូមិទួលសង្កែ សង្កាត់ទួលសង្កែ ខណ្ឌឫស្សីកែវ និងមានស្រុកកំណើត ភូមិស្តុក ឃុំស្តុក ស្រុកអង្គរជ័យ ខេត្តតាកែវ។
សមត្ថកិច្ចបានអោយដឹងថាមុនពេលឃាត់ខ្លួនជនសង្ស័យខាងលើនេះ កំលាំងអត្តរាគមន៍ខណ្ឌសែនសុខកំពុងធ្វើល្បាតនៅចំណុចខាងលើហើយក៍ឃើញជនសង្ស័យកំពុងជីះម៉ូតូមួយគ្រឿងម៉ាកហុងដា(ម៉ុងស្ទឺ)ពណ៌សពាក់
ស្លាកលេខភ្នំពេញ1CL-7677ខណះដែលឃើញកំលាំងសមត្ថកិច្ចស្រាប់តែជនសង្ស័យបានបើកម៉ូតូរត់ពេលនោះកំលាំងអន្តរាគមន៍ក៍ដេញតាមហើយនិងឃាត់ខ្លួនបានតែម្តងរួចធ្វើការឆែកឆេរនៅក្នុងកាបូបស្ពាយរកឃើញថ្នាំញៀនចំនួន២កញ្ចប់តូច១ធំ១និងកាំភ្លើងបាញ់គ្រាប់កង់(ប្រើខ្យល់)១ដើមនិងឧបករណ៍ល្មើសមួយចំនួនធំក៍ឃាត់ខ្លួនយកមកសាកសួរ។
ក្រោយពីសាកសួរ លោក ម៉ក់ ហុង អធិការនគរបាលខណ្ឌសែនសុខបានដឹកនាំកំលាំងនិងនាំជនសង្ស័យយកទៅឆែកឆេរបន្ទប់ជួលនៅសង្កាត់ទួលសង្កែ ខណ្ឌឫស្សីកែវបន្តទៀតប៉ុន្តែពុំមានឃើញមានអ្វីទេ។
បច្ចុប្បន្នជនសង្ស័យកំពង់ធ្វើកាសាកសួរនៅអធិការដ្ឋាននគរបាលខណ្ឌសែខសុខដើម្បីក៍សាងសំណុំរឿងបញ្ជួនទៅតុលាកា៕ តុង សីហា
