ភ្នំពេញ៖ បុរសម្នាក់ស្រវឹងស្រាបានជិះម៉ូតូក្នុងល្បឿនលឿនហើយជ្រុលចង្កូតទៅបុករថយន្តហាយឡែនឌ័រពីក្រោយបណ្ដាលឲ្យរងការខូចខាត រីឯម្ចាស់ម៉ូតូបង្កបានរងរបួសស្រាល។
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង២១និង៤០នាទី ថ្ងៃទី២០ ខែធ្នូ ឆ្នាំ២០១៥ នៅចំណុចគល់ស្ពានហង់មជ្ឈមណ្ឌលកោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន។
ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តហាយឡែនឌ័រ ពណ៌ស្ក ពាក់ស្លាកលេខ ភ្នំពេញ 2V.3348 បើកបរដោយបុរសម្នាក់ និងស្ត្រីម្នាក់រួមដំនើរជាមួយ ទិសដៅពីកើតទៅលិចក្នុងល្បឿនល្មម ដែលបានបើកឆ្លងស្ពានហង់ ខណៈមកដល់គល់ស្ពានត្រើយលិច ស្រាប់តែមានបុរសម្នាក់ស្រវឹងស្រា ជិះម៉ូតូក្នុងល្បឿនលឿនបានមកបុកពីក្រោយពេញទំហឹងបណ្ដាលឲ្យម៉ូតូអូសចូលក្រោមរថយន្តបណ្ដាលឲ្យរងការខូចខាតទាំងខាង រីឯម្ចាស់ម៉ូតូបង្ករងបួសស្រាល។
ក្រោយពលកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុភ្លាមៗហើយបានផ្ដល់ឲ្យភាគីទាំងសងខាងធ្វើការសម្រប
សម្រួលគ្នា ដោយខាងម្ចាស់ម៉ូតូព្រមជួសជុលការខូចខាតរថយន្តឲ្យវិញ ដើម្បីបញ្ចប់រឿងនៅនិងកន្លែងកើតហេតុតែម្ដង៕
ដោយ៖ ភារ៉ា ដង្កោ
