ភ្នំពេញ ៈ ថ្នាំញៀនប្រភេទ ក្រាមពណ៏សថ្លា ចំនួន០៦កញ្ចប់(ធំ០១តូច០៥) ត្រូវកម្លាំងកងរាជអាវុធហត្ថ ខណ្ឌដូនពេញ ចុះបង្រ្កាបនិងឃាត់ខ្លួនជនសង្ស័យ០២នាក់ ដែលពាក់ព័ន្ធករណីចែកចាយគ្រឿងញៀន នៅចំនុចចំណតឡានក្នងផ្សារសុរិយាម៉ល សង្កាត់ផ្សារថ្មី៣ ខណ្ឌដូនពេញ កាលពីវេលាម៉ោង៧និង២០នាទី ថ្ងៃទី២០ ខែធ្នូ ឆ្នាំ២០១៥នេះ ។
តាមប្រភពព័ត៍មានពីមន្រ្តីកងរាជអាវុធហត្ថខណ្ឌដូនពេញ បានឲ្យដឹងថា ជនសង្ស័យទាំង២នាក់នេះទី ១.ឈ្មោះ ជា សំនាងភេទប្រុស អាយុ៣៤ឆ្នាំ មុខរបរនិទីលំនៅមិនពិតប្រាកដ (ជាម្ចាស់ថ្នាំ);ទី២.ឈ្មោះ គង់ បារាំងភេទប្រុស អាយុ៣៥ឆ្នាំ មុខរបរបុគ្គលិកអង្គការកសាង ស្នាក់នៅផ្ទះជួលលេខ២៦ ផ្លូវបេតុងលេខ២១ ភូមិត្នោតជ្រំុ សង្កាត់បឹងទំពុង ខណ្ឌមានជ័យ ។
លោកអនុសេនីយ៏ឯក លី គឹមឡេង មេបញ្ជាការរង កងរាជអាវុធហត្ថខណ្ឌដូនពេញ បានឲ្យដឹងថា នៅមុនពេលឃាត់ខ្លួនជនសង្ស័យ ២នាក់ខាងលេីនេះ គឺកម្លាំងអាវុធខណ្ឌដូនពេញ បានជិះល្បាតការពារសុវត្តិភាពជូនប្រជាពលរដ្ឋក្នុងមូលដ្ឋាន ក៏ប្រទះឃេីញជនសង្ស័យ០២នាក់កំពុងតែឈរនៅចំនុចចំណតឡានក្នងផ្សារសុរិយាម៉ល ដែលសំបូរហាងបារាំងជាច្រេីននោះ ហេីយទីតាំងនេះគឺជាកន្លែងដែលងាយស្រួលចែកចាយនិងជួញដូរគ្រឿងញៀនយ៉ាងសកម្មនោះ ក៏ចាប់ឃាត់ខ្លួននិងឆែកឆេរឃេីញមានថ្នាំញៀនចំនួន៦កញ្ចប់ធំតូចជាក់ស្តែងតែម្តង ។
ក្រោយឃាត់ខ្លួនជនសង្ស័យសមត្ថកិច្ចដកហូតវត្ថុតាងមាន- ក្រាមពណ៏សថ្លា ចំនួន០៦កញ្ចប់(ធំ០១ តូច០៥) -កន្រ្តៃចំនួន០១ -ដែកកេះ ០១ -កែងសំរាប់ជក់ ចំនួន០៧ -ថង់សំរាប់ច្រកមួយចំនួន៣ -ទូរស័ព្ទដៃ ម៉ាកអាយហ្វូនស៊េរីចាស់ ចំនួន០១គ្រឿងនិងម៉ាកសាំសុងបត់០១គ្រឿង -ម៉ូតូ០១គ្រឿងម៉ាកស្តេប ពណ៏ក្រហម ពាក់ស្លាកលេខ កណ្តាល 1E:7190 -អត្តសញ្ញាណប័ណ្ណចំនួន០១និងកាតគ្រីម៉ូតូចំនួន០១សន្លឹក ។
បច្ចុប្បន្នជនសង្ស័យនិងវត្ថុតាងត្រូវបានញ្ជូនបន្តទៅទីញ្ជាការអាវុធហត្ថរាជធានីភ្នំពេញដើម្បីចាត់ការតាមនិតិវិធី ៕ស ដារ៉ា
