ភ្នំពេញ៖ ជនសង្ស័យម្នាក់បន្ទាប់ពីធ្វើសកម្មភាពកាបូបពីស្រី្តម្នាក់បានសម្រេចតែត្រូវសមត្ថកិច្ចប៉ុស្តិ៍ទួលស្វាយព្រៃទី១ដេញចាប់បានភ្លាមៗ ។ ហេតុការណ៍នេះកើតឡើងកាលពីវេលាម៉ោង៧និង២០នាទីព្រឹក ថ្ងៃទី២១ ខែធ្នូ ២០១៥ តាមបណ្ដោយផ្លូវលេខ១៧៣កែង៣៣៨ ស្ថិតក្នុងសង្កាត់ទួលស្វាយព្រៃទី១ ខណ្ឌចំការមន រាជធានីភ្នំពេញ។
ជនសង្ស័យមានឈ្មោះ សោម សុភក្ត្រភេទប្រុសអាយុ២៤ឆ្នាំមុខរបរនៅផ្ទះជួលម្ដុំផ្សារដើមគរ ជិះម៉ូតូម៉ាកឡេតពណ៍ត្រួចេកពាក់ស្លាកលេខ1BY.6355។ជនរងគ្រោះមានឈ្មោះប៉ាត់ ប៊ុនណាត ភេទស្រី អាយុ៣៣ឆ្នាំផ្ទះជួលម្ដុំផ្សារដើមគ សង្កាត់ផ្សារដើមគរ ខណ្ឌទួលគោក រាជធានីភ្នំពេញ ។
បើតាមប្រភពពត័មានពីសមត្ថកិច្ចបានឲ្យដឹងថា នារីម្នាក់បានជិះម៉ូតូហ្វីណូ១គ្រឿងជាមួយប្ដីទើបតែចេញមកពីផ្ទះតាមបណ្ដោយផ្លូវលេខ៣៣៨ ស្រាប់តែលិចមុខជនសង្ស័យម្នាក់ ជិះម៉ូតូម៉ាកឡេត ពណ៍ត្រួយចេក ពាក់ស្លាកលេខ ភ្នំពេញ 1BY.6355 ក៏បានមកធ្វើសកម្មភាពឆក់ ការបូប ពីរងគ្រោះ ភ្លាមៗនោះជនសង្ស័យបានជិះម៉ូតូបម្រុងជិះរត់គេចខ្លួន តែត្រូវសមត្ថកិច្ចកំពុងល្បាតតាមពីក្រោយម៉ូតូជនសង្ស័យក៏ ហើយក៏បានចាប់ជនសង្ស័យបានភ្លាមៗតែក៏ត្រូវប្រជាពលដ្នរក៏បាននាំគ្នាព្រួតវាយម្នាក់១ដៃម្នាក់១ជើងបណ្ដោយឱ្យបែកមុខ ។
ក្រោយពេលកើតហេតុជនសង្ស័យ ត្រូវបានសមត្ថកិច្ចនាំទៅកាន់ប៉ុស្តិ៍នគរបាលរដ្ឋបាលទួលស្វាយព្រៃទី១ សាកសួរ និងកសាងសំណុំរឿងបញ្ជូនទៅអធិការដ្ឋាននគរបាលខណ្ឌចំការមនដើម្បីចាត់ការបន្តតាមនិតិវិធីច្បាប់ ។ ចំណែកកាបូបជនរងគ្រោះត្រូវបានសមត្ថកិច្ចប្រគល់ឱ្យទៅស្រី្តរងគ្រោះវិញ ៕
ដោយ៖ ស រស្មី
