ក្តីស្រម័យចង់ក្លាយជាប្រធានាធិបតីអាមេរិកដឹកនាំបន្ថែមមួយអាណាត្តិទៀតរបស់ប្រធានាធិបតីដូណាល់ត្រាំ កំពុងតែបាត់បង់បន្តិចម្តងៗ ដោយសារតែផ្ទុះរឿងអាស្រូវ រើសអើងពូជសាសន៍។ គណបក្សប្រជាធិប តេយ្យ ដែលមានបេក្ខភាព ជូបៃឌិតកំពុងតែមានសំឡេងគាំទ្រនាំមុខនោះ ត្រៀមរៀបចំនីតិវិធីទម្លាក់លោកដូណាលត្រំា ពីដំណែង​នៅក្នុងអាណត្តិទី​១តែម្តង មិនរងចាំដល់អណត្តិទី​២ឡើយ។

ពេលថ្មីៗនេះលោក អាល ហ្គ្រីន (Al Green)សមាជិកសភាមកពីគណបក្សប្រជាធិបតេយ្យ បានដាក់ចេញហើយនូវមាត្រា ដែលចែងអំពីការទម្លាក់ប្រធានាធិបតីអាមេរិក ចេញពីតំណែង ជាការប្រឆាំងចំពោះលោក ដូណាល់ ត្រាំ ក្រោយពីប្រធានាធិបតីអាមេរិករូបនេះ ទើបតែទទួលរងព្យុះនៃការរិះគន់ទូទាំងពិភពលោក ពាក់ព័ន្ធការអត្ថាធិប្បាយបែបរើសអើងពូជសាសន៍ ទៅក្រុមស្ត្រីជាសមាជិកសភាអាមេរិក។

ការដាក់ចេញនូវមាត្រាខាងលើ គឺធ្វើឡើងដើម្បីដំណើរការនិតិវិធីទម្លាក់លោក ដូណាល់ ត្រាំ ចេញពីអំណាច ហើយវាកើតឡើងជាថ្មីបន្ទាប់ពីសភាអាមេរិកគ្រប់គ្រង ដោយគណបក្សប្រជាធិបតេយ្យ បោះឆ្នោតអនុម័តថ្កោលទោសប្រធានាធិបតីអាមេរិករូបនេះ ជុំវិញការអត្ថាធិប្បាយបែបរើសអើងពូជសាសន៍ ប្រឆាំងនឹងក្រុមតំណាងរាស្ត្រ ជាស្រ្តីបក្សប្រជាធិបតេយ្យចំនួនបួនរូប។ សមាជិកសភាមកពីគណបក្ស ប្រជាធិបតេយ្យមកពីរដ្ឋតិចសាស់ លោក Al Green ចង់ឱ្យមានការបោះឆ្នោតមួយ នៅក្នុងសប្ដាហ៍នេះសំដៅកំណត់ថា តើគួរ ឬមិនគួរក្នុងការដំណើរការនីតិវិធីដកលោក ត្រាំ ចេញពីតំណែង។

គួរបញ្ជាក់ថា បើតាមលោក Al Green លោក ដូណាល់ ត្រាំ គ្មានសមត្ថភាពធ្វើជា ប្រធានាធិបតីអាមេរិកឡើយ ។ ប៉ុន្តែលោក Green ផ្ទាល់ក៏ធ្លាប់បរាជ័យដំណើរការ នីតិវិធីទម្លាក់លោក ត្រាំ ចេញពីតំណែងចំនួន ០២​លើករួចមកហើយ។ ម្យ៉ាងវិញទៀត មកទល់សមាជិកសភា និងប្រធានសភា នៃគណបក្សប្រជាធិបតេយ្យ លោកស្រី ណិនស៊ី ប៉េឡូស៊ី (Nancy Pelosi) ក៏ហាក់ដូចជាបង្ហាញពីគោលជំហរជំទាស់ ទៅនឹងគោលបំណងនេះដែរ ៕