ភ្នំពេញ៖ ប្រុសស្រី២នាក់បានរងរបួសធ្ងន់ស្រាល ខណះដែលពួកគេបេីកម៉ូតូទាំងភ័យខ្លាច បន្ទាប់ពីមានយុវជន២ក្រុមអង្គុយផឹកស៊ីក្បែរគ្នារួចទាស់សំដី រហូតឈានទៅការគំរាមបាញ់សម្លាប់បង្កឲ្យមានការភ្ញាក់ផ្អើលតែម្តង ។
ហេតុការណ៍ភ្ញាក់ផ្អេីលខាងលេីនេះ បានកាលពីវេលាម៉ោង ៥និង៣០នាទីព្រឹកទៀបភឺ្លថ្ងៃទី២៦ ខែធ្នូ ឆ្នាំ២០១៥នេះ ស្ថិតនៅតាមផ្លូវព្រះសីុសុវត្តិ លេីសួនច្បារមុខកន្លែងកំសាន្តឌ្រីមលែន សង្កាត់ចតុមុខ ខណ្ឌដូនពេញ រាជធានភ្នំពេញ ។
តាមប្រភពព័ត៌មានពីសាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញយុវជន២ក្រុមកំពុងអង្គុយផឹកក្បែរគ្នានៅលេីសួនច្បារមុខកន្លែងកំសាន្តឌ្រីមលែន លុះផឹកស៊ីបានបន្តិចមិនដឹងជាទាស់សំដីរឿងអ្វីនោះទេ ស្រាប់តែគេឃេីញបុរសម្នាក់ដកកាំភ្លើងខ្លីមួយដើមមិនស្គាល់ម៉ាក ហើយនិយាយលឺៗជាមួយបក្ខពួកខ្លួនថា ( អញចង់បាញ់សម្លាប់វាចោលមេីល ) ប៉ុន្តែភ្លាមនោះ បក្ខពួកជនបង្កបាននាំគ្នាឃាត់មិនឲ្យបាញ់ ដោយភាគីខាងយុវជនមួយក្រុមទៀតនោះដែលត្រូវគេគំរាមបានជិះម៉ូតូចេញទៅបានបន្តិច ស្រាប់តែជនបង្កហេតុដកកាំភ្លេីងបាញ់ភ្ជុចដីមួយគ្រាប់ ធ្វើអ្នកទិញនិងអ្នកលក់គ្រឿងក្លែម នៅក្បែរនោះនាំគ្នារត់ចែកជេីងគ្នាតែម្តង ចំណែកឯក្រុមជនបង្ក បានឡើងជិះរថយន្តរួចបើកគេចខ្លួនបាត់ស្រមោល ។
ក្នុងហេតុការណ៍នោះដែរ ដោយមានការភ័យខ្លាចត្រូវក្រុមជនបង្កបាញ់ត្រូវនោះ ក៏បានធ្វេីឲ្យយុវវ័យប្រុសស្រី២នាក់ ដែលបេីកម៉ូតូរត់គេចនោះក៏ដួលម៉ូតូរងរបួសបែកមុខបែកមាត់ផងដែរ ។
ក្រោយពេលកើតហេតុ គេឃេីញនគរបាល និងកម្លាំងកងអាវុធហត្ថបានចុះទៅដល់ភ្លាមៗ ដោយដេីររកសំបកគ្រាប់តែមិនឃើញនោះទេ រីឯជនរងគ្រោះបានទៅព្យាបាលនៅមន្ទីរពេទ្យខ្លួនឯង ៕
ដោយ៖ ស ដារ៉ា
...
