ភ្នំពេញ៖ ជនសង្ស័យម្នាក់ដែលជាមុខសញ្ញាប្លន់ហេីយទេីបតែចេញពីពន្ធធានាគារ ត្រូវបាននគរបាលខណ្ឌទួលគោកចាប់ខ្លួនជាក់ស្ដែង បន្ទាប់ពីរូបគេបានធ្វេីសកម្មភាពជក់គ្រឿងញៀន គាប់ជួនប្រទះនឹងកម្លាំងសមត្ថកិច្ចឃាត់តែម្តង និងដកហូតថ្នាំញៀន១កញ្ចប់តូច រួមទាំងឧបករណ៍ប្រើប្រាស់មួយចំនួនផងដែរ ។

ករណីឃាត់ខ្លួនជនសង្ស័យខាងលេីនេះ បានធ្វេីឡើងកាលពីវេលាម៉ោង១០ និង៣០នាទីព្រឹកថ្ងៃទី២៨ ខែធ្នូ ឆ្នាំ២០១៥ តាមបណ្តោយ២៧៣ ភូមិ១៤ សង្កាត់បឹងកក់១ ខណ្ឌទួលគោក ។

ជនសង្ស័យមានឈ្មោះរៀល វ៉ាន់ថេត ភេទប្រុស អាយុ៣៦ មុខរបបមិនពិតប្រាកដ ស្នាក់នៅផ្ទះលេខ២ ផ្លូវរថភ្លើង  ភូមិ១៤ សង្កាត់បឹងកក់១ ខណ្ឌទួលគោក ។

បើតាមប្រភពពីនគរបាលខណ្ឌទួលគោកបានអោយដឹងថា នៅមុនពេលឃាត់ខ្លួនជនសង្ស័យគឺកម្លាំងសមត្ថកិច្ចខណ្ឌទួលគោកបានធ្វើការល្បាតក្នុងមូលដ្ឋានរបស់ខ្លួនក៏ប្រទះឃើញជនសង្ស័យកំពុងធ្វើសកម្មភាពប្រើប្រាស់គ្រឿងញៀននៅក្នុងផ្ទះរបស់ខ្លួនត្រូវបានចាប់ខ្លួនជាក់ស្ដែងតែម្ដង ។

គួរបញ្ចាក់ផងដែរថា ជនសង្ស័យខាងលើនេះធ្លាប់ជាប់ពន្ធធានាគារអស់រយៈពេល៦ឆ្នាំផងដែរពីបទប្លន់ ។

បច្ចុប្បន្នជនសង្ស័យត្រូវបាននគរបាលប៉ុស្តិ៍បឹងកក់ទី១ បញ្ចូនទៅអធិការខណ្ឌទួលគោក ដើម្បីសាកសួរ និងកសាងសំណុំរឿងចាត់ការតាមនិតីវិធី ៕

ដោយ៖ ស ដារ៉ា