ភ្នំពេញ៖ កីឡាករ សេង សាំងរតនា បានក្លាយជាម្ចាស់ស្បែកជើងមាស ក្រោយពីនាំសំណាងឲ្យក្រុមអាណា ចក្របៃតងលើកពានរង្វាន់ Soccer League 2015 រដូវកាលទី៣ នៅម៉ោងបន្ថែមដោយទាត់បាល់បញ្ចូលទី ក្រុមយុវជនវ៉ិចតូរីអេហ្វស៊ី ក្នុងវគ្គផ្តាច់ព្រ័ត្រកាលពីល្ងាចថ្ងៃទី២៦ ខែធ្នូ ឆ្នាំ២០១៥ នៅលើទីលានពហុ កីឡ ដ្ឋានជាតិក្នុងលទ្ធផល១-០។
សកម្មភាពប្រកួតគួរឲ្យព្រឺព្រួច រវាងក្រុមអាណាចក្របៃតង នឹង យុវជនវ៉ិចតូរីអេហ្វស៊ី ពុំបានដំអក់យូរ ឡើយ ចាប់តាំងពីវិនាទីដំបូងនៃការប្រកួតតង់ទី១ក៏ដូចក្នុងតង់ទី២ដែរ គូភាគីម្ខាងៗ បានសម្រុកទៅរកសំណា ញ់ទីដៃគូរៀងៗខ្លួន នៅពេលឆកបាល់ពីជើងគូភាគីរបស់ខ្លួនបានម្តងៗ ប៉ុន្តែគ្មានក្រុមណាមួយអាច រកគ្រាប់ បាល់នាំមុខបាននោះទេ។
លទ្ធផល០-០ បានអូសបន្លាយរហូតជាង៩០នាទីនៃការប្រកួតទើបកីឡាករ សេង សាំងរតនា របស់ ក្រុមអាណាចក្របៃតង មានឱកាសទាត់បាល់បញ្ចូលទី ក្រុមយុវជនវ៉ិចតូរីអេហ្វេស៊ី បានសម្រេចនៅចុងម៉ោង បន្ថែមបង្គ្រប់ធ្វើឲ្យក្រុមយុវជនវ៉ិចតូរីអេហ្វស៊ីចាញ់ទាំងមិនអស់ចិត្ត ពីព្រោះពួកគេសង្ឃឹមថា ការប្រកួតនេះ អាច ឈានដល់ការថែមម៉ោង១៥នាទី២ដងនោះ។
កីឡាករ សេង សាំងរតនា បានក្លាយជា វីរបុរស ក្រុមអាណាចក្របៃតង និងគ្រងតំណែងម្ចាស់ ស្បែកជើងមាស ប្រចាំរដូវកាលទី៣នៃពានរង្វាន់Soccer League 2015 ដែលមាន សមាសភាពក្រុម កីឡាករចូលរួមចំនួន៤២ដំណាក់កាលជម្រុះជុំទី១ និង ដំណាក់កាលជម្រុះជុំទី២វគ្គ៣២ក្រុមចែកជា៨ពូល ហើយក្រុមអាណាចក្របៃតងបានលេងឈ្នះបន្តបន្ទាប់រហូតឈានដល់វគ្គផ្តាច់ព្រ័ត្រដោយលេងឈ្នះក្រុមយុវជនវ៉ិចតូរីអេហ្វស៊ី ព្រមទាំងបានលើកពាន ពាន Soccer League 2015តែម្តង ។
សម្រាប់ជ័យលាភីជើងឯក ដែលក្រុមអាណាចក្របៃតង លើកពានរង្វាន់ Soccer League 2015 ទទួល បានមេដាយមាសម្នាក់១គ្រឿងក្នុងចំណោមសមាជិកក្រុម២៥នាក់ អមជាមួយថវិកា ចំនួន១០លាន រៀល។ ក្រុមយុវជនវ៉ិចតូរីអេហ្វស៊ី ជាប់ចំណាត់ថ្នាក់លេខ២ ទទួលបានមេដាយប្រាក់ម្នាក់១គ្រឿង អមជាមួយ ថវិកា ចំនួន ៧លានរៀល និងចំណាតថ្នាក់លេខ៣ ធ្លាក់ទៅលើក្រុមយុវជនក-១២ ទទួលបានមេដាយសំរឹទ្ធិ ម្នាក់១ គ្រឿង រួមជាមួយថវិកាចំនួន៥លានរៀល។
ចំណែកឯក្រុមយុវជនខេត្តកំពង់ចាម ទទួលតំណែង ក្រុមដែលលេងល្អ(Fair Play) ទទួលបានថវិកា លើកទឹកចិត្តចំនួន១លានរៀល ។ ដោយឡែកកីឡាករសេង សាំងរតនា របស់ក្រុមអាណាចក្របៃតង ទទួល បានស្បែកជើងមាស អមជាមួយថវិកាចំនួន១លានរៀល តាមរយៈការទាត់បាល់បញ្ចូលទីដៃគូរបស់ខ្លួន អំឡុង ពេលប្រកួតពានរង្វាន់ Soccer League 2015 បាន ចំនួន៩គ្រាប់និងជួយឲ្យក្រុមអាណាចក្របៃតងលើកពាន Soccer League រដូវកាលឆ្នាំ២០១៥។
កីឡាករនួន វាសនា ជាប់ចំណាត់ថ្នាក់ជាអ្នកចាំទីល្អ មកពីក្រុមយុវជនក-១២ ទទួលបានថវិកាលើក ទឹកចិត្តចំនួន១លានរៀល និងលោក ទុយ វិច្ឆិកា ក្លាយជាអាជ្ញាកណ្តាលដឹកនាំការប្រកួតវគ្គផ្តាច់ព្រ័ត្រល្អ ទទួលបានថវិកាចំនួន១លានរៀលផងដែរ៕
ដោយ៖ សារីម
