ខេត្តកំពង់ធំ៖ ម៉ូតូ១គ្រឿងជិះគ្នា៣នាក់ក្នុងស្ថានភាពស្រវឹង មកដល់ចំណុចកើតហេតុនៅខាងត្បូងមណ្ឌលកុមារកំព្រា ភូមិជ័យជំនះ ឃុំកកោះ ស្រុកសន្ទុក ខេត្តកំពង់ធំ ដួលបោកក្បាល់បណ្ដាលអ្នកបើកបរស្លាប់ រីឯ២នាក់ទៀតរងរបួសធ្ងន់កាលពីវេលាម៉ោង ១១និង៣០នាទីយប់ ថ្ងៃទី២៧ ខែធ្នូ ឆ្នាំ២០១៥ ពេលដែលត្រឡប់មកពីមើលខនសឺត ។
អ្នករបួសទាំង២នាក់ដឹកយកទៅសង្គ្រោះនៅមន្ទីរពេទ្យក្នុងខេត្តកំពងធំ អ្នកបើកបរម៉ូតូ សង់១២៥ ស៊េរី ឆ្នាំ២០១៥ ពាក់ផ្លាកលេខ កំពង់ធំ 1G 6682 ពណ៍ខ្មៅ ឈ្មោះ លាងចម្រុង ភេទប្រុស អាយុ២៥ រស់នៅភូមិ ឃុំ ស្រុក ខេត្តកំពង់ធំ(ស្លាប់) អ្នករួមដំណើរឈ្មោះ ចាបចម្រើន ភេទប្រុស អាយុ២៣ឆ្នាំ និង ឈ្មោះ ស៊ុនម៉ារី ភេទប្រុស អាយុ ២៤ឆ្នាំ ទាំង២នាក់រស់នៅភូមិបន្ទាយចាស់ ឃុំត្នោតជ្រុំ ស្រុកបារាយណ៍ ខេត្តកំពង់ធំ។
ក្រោយពីកើតហេតុអ្នកស្លាប់ត្រូវបានសាច់ញាតិយកទៅធ្វើបុណ្យតាមប្រពៃណី ចំណែកម៉ូតូប្រគល់អោយសាច់ញាតិយកទៅរក្សាទុក ៕
ដោយ៖ ប៊ុនរិទ្ធី
