ភ្នំពេញ ៖ ក្រសួងសុខាភិបាលនៃព្រះរាជាណាចក្រកម្ពុជា់បានប្រកាសអំពាវនាវដល់ ប្រជាពលរដ្ឋទូទៅអោយបង្ការសុខភាព ទៅលេីការបរិភោគចំណីអាហារ និងពិសេសការទទួលទានស្រាស និងស្រាថ្នាំ ដែលមានប្រភពមិនច្បាស់លាស់ នៅក្នុងអំឡុង ពេលពីធីកាន់បិណ្ឌ និងភ្ជុំបិណ្ឌដែល ប្រព្រឹត្តទៅចាប់ពីថ្ងៃទី១៤ ដល់ថ្ងៃទី២៨ ខែកញ្ញា ឆ្នាំ២០១៩នេះ ។ នេះបេីតាមការ ប្រកាសជូនដំណឹងក្រសួងសុខាភិបាលអោយដឹងនៅថ្ងៃទី១៦ ខែកញ្ញា ឆ្នាំ២០១៩ ។
យោងតាមអាជ្ញាធរជាតិប្រយុទ្ធប្រឆាំងនឹងជំងឺឆ្លង CDCអោយដឹងថា លទ្ធផលវិភាគ សំណាកស្រាស ដែលទទួលបានពីទីកន្លែង
ដែលកើតហេតុរបស់មន្ទីរពិសោធន៍ជាតិនៃក្រសួងសុខាភិបាលបានរកឃើញថា ស្រាស ឬស្រាថ្នាំ ដែលបងប្អូនប្រជាពលរដ្ឋបាន ពិសាក្នុងតំបន់ដែលកើតហេតុនាពេលកន្លងមក មានសារជាតិមេតាណុលកម្រិតខ្ពស់ ដែលធ្វើឱ្យពុល។ ដូច្នេះសូមបងប្អូនប្រជាពលរដ្ឋ បញ្ឈប់ជាបន្ទាន់នូវការបរិភោគ ស្រាស ឬស្រាថ្នាំ ដែលទិញពីប្រភពមិនច្បាស់លាស់ និងដែលផលិតដោយគ្មានការត្រួត ពិនិត្យត្រឹមត្រូវ។
ដោយសារកន្លងមកកេីតមានករណីនេះ ទេីប ក្រសួងសុខាភិបាលចេញសេចក្ដីប្រកាសណែនាំអោយពលដ្ឋបង្ការបញ្ហាសុខភាព បណ្តាលមកពីការបរិភោគចំព៌ាអាហារ និងពិសាស្រា នាឱកាសដែលបងប្អូនប្រជា ពលរដ្ឋ អញ្ជើញចូលរួមក្នុងពីធីកាន់បិណ្ឌ និងភ្ជុំបិណ្ឌដែលប្រព្រឹត្តទៅចាប់ពីថ្ងៃទី១៤ ដល់ថ្ងៃទី២៨ ខែកញ្ញា ឆ្នាំ២០១៩នេះ ។
តាមរយៈការពិសោធរកឃេីញលទ្ធផលខាងលេីនេះ ក្រសួងសុខាភិបាលនៃព្រះរាជាណាចក្រកម្ពុជា សូមអំពាវនាវដល់សាធារណជនទាំងអស់ឲ្យចូលរួមអនុវត្តវិធានការបង្ការ ដើម្បីសុខភាពល្អ ចៀសផុតពីបញ្ហាសុខភាពបណ្តាលមកពីការបរិភោគ ចំណីអាហារ ដែលនាំឲ្យក្អួត រាក និងការពិសាស្រានិងជំងឺឆ្លងផ្សេងៗ ដែលបង្កឡើងដោយចំណីអាហារគ្មានអនាម័យ ឬទឹកកខ្វក់ ដែលមានមេរោគ បាក់តេរី វីរុស
ប៉ារ៉ាស៊ីត ឬសារធាតុគីមី ។
ក្រសួងសុខាភិបាលអះអាងថា ទោះបីជារដ្ឋាភិបាលរបស់បណ្តាប្រទេសនានានៅលើ ពិភពលោក បាននិងកំពុងធ្វើឲ្យប្រសើរឡើងនូវសុវត្ថិភាពនៃការផ្គត់ផ្គង់ស្បៀងអាហារ ប៉ុន្តែការកើតឡើងនៃអាការៈសុខ ភាពបណ្តាលមកពីការពុលអាហារ នៅតែជាបញ្ហាសុខភាពមួយយ៉ាងសំខាន់ ទាំងក្នុងប្រទេសកំពុងអភិវឌ្ឍន៍ និងអភិវឌ្ឍន៍ ។
ការពុលចំណីអាហារភាគច្រើនបណ្តាលមកពីការរៀបចំអាហារមិនមានអនាម័យល្អទាំងក្នុងចំណីអាហារអ្នករៀបចំទុកដាក់ ការចែកចាយចំណីអាហារ និងការពិសាស្រា ដែលបានផលិត ឬបានបិត ដោយមិនមានលក្ខណៈបច្ចេកទេសត្រឹមត្រូវ ។ រោគសញ្ញា ដែលបណ្តាលឲ្យពុលចំណីអាហារមានដូចជា ក្អួត ចង្អោរ រាករួស រាកមួល ដែលអាច
គ្រោះថ្នាក់ដល់អាយុជីវិតបាន ។ ការពុលស្រាបណ្តាលឲ្យមានរោគសញ្ញាដូចជា ឈឺក្បាល ក្អួត ឈឺពោះ វិលមុខ ងងឹត
ភ្នែក សន្លប់ ប្រកាច់ ពិបាកដកដង្ហើម និងអាចវិវត្តទៅស្លាប់បាន ។
អាជ្ញាធរជាតិប្រយុទ្ធប្រឆាំងនឹងជំងឺឆ្លង CDCបានបង្ហាញលទ្ធផលវិភាគសំណាកស្រាស ដែលទទួលបានពីទីកន្លែងដែលកើតហេតុ របស់មន្ទីរពិសោធន៍ជាតិនៃក្រសួងសុខា ភិបាល បានរកឃើញថា ស្រាស ឬស្រាថ្នាំ ដែលបងប្អូនប្រជាពលរដ្ឋបានពិសាក្នុងតំបន់ដែលកើតហេតុនាពេលកន្លងមក មានសារជាតិមេតាណុលកម្រិតខ្ពស់ ដែលធ្វើឱ្យពុល។ ដូច្នេះសូមបងប្អូនប្រជាពលរដ្ឋ បញ្ឈប់ជាបន្ទាន់នូវការបរិភោគ ស្រាស ឬស្រាថ្នាំ ដែលទិញពីប្រភពមិនច្បាស់លាស់ និងដែលផលិតដោយគ្មានការត្រួតពិនិត្យត្រឹមត្រូវ។
លោក ម៉ម ប៊ុនហេង រដ្ឋមន្ត្រីក្រសួងសុខាភិ បាលមានប្រសាសន៍ថា ” គ្រប់ៗគ្នា ចាប់តាំងពីអ្នកបរិភោគរហូតដល់អ្នកបំរើអាហារ ដើរតួនាទីយ៉ាងសំខាន់ នៅក្នុងការលើកកម្ពស់សុវត្ថិភាពអាហារ ចាប់តាំងពីការអនុវត្ត
អនាម័យ ដើម្បីសុវត្ថិភាពអាហារ រហូតដល់ការរៀនពីរបៀបថែរក្សា ពេលចម្អិនអាហារជាក់លាក់។
លោកបន្ត លោកសូមលើកទឹកចិត្តគ្រប់គ្នាឲ្យអនុវត្តនូវការប្រុងប្រយ័ត្នដ៏សាមញ្ញមួយចំនួន នៅពេលដែលកាន់និងរៀបចំម្ហូបអាហារ ដែលអាចការពារអ្នកគ្រប់គ្នានិងក្រុមគ្រួសារពីការឈឺ ៖
១. ប្រើប្រាស់ទឹកស្អាត និងម្ហូបអាហារដែលស្អាតនិងឆ្អិនជានិច្ច ,ត្រូវលាងដៃនឹងសាប៊ូ មុនពេលនិងអំឡុងពេលរៀបចំម្ហូបអាហារ មុនបរិភោគ និងក្រោយបន្ទោរបង់, លាងសំអាតបន្លែ ផ្លែឈើឲ្យបានស្អាតមុនបរិភោគ ,សំអាតសម្ភារប្រើសម្រាប់ចម្អិនម្ហូបអាហារឲ្យបានត្រឹមត្រូវចម្អិនអាហារឲ្យបានឆ្អិនល្អ ជាពិសេស សាច់ សត្វស្លាប ស៊ុត និងអាហារសមុទ្រ ,ទុកដាក់ចំណីអាហារឆៅ និងឆ្អិនដាច់ដោយឡែកពីគ្នា , កុំរក្សាទុកអាហារក្នុងកំដៅធម្មតាលើសពី២ម៉ោង
មិនត្រូវរក្សាទុកអាហារជាច្រើនថ្ងៃទេ ទោះជាស្ថិតក្នុងកម្រិតសីតុណ្ហភាពសុវត្ថិភាពក៏ដោយ ,បើយើងរក្សាទុកអាហារ ក្នុងប្រព័ន្ធត្រជាក់គឺត្រូវឲ្យនៅក្រោមសីតុណ្ហភាព ៥អង្សាសេ , បើយើងរក្សាទុកអាហារក្នុងប្រព័ន្ធកំដៅគឺត្រូវឲ្យលើសពីសីតុណ្ហភាព៦០អង្សាសេ ,កុំប្រើប្រាស់ចំណីអាហារ ហួសកាលកំណត់។
ចំពោះការពុលស្រា ក្រសួងសុខាភិបាលសូមណែនាំចំពោះមនុស្សពេញវ័យទាំងអស់សូមពិសាគ្រឿងស្រវឹងក្នុងកម្រិតតិចតួច និងហាមពិសាគ្រឿងស្រវឹងក្នុងពេលបើកបរ ឬបញ្ហាគ្រឿងម៉ាស៊ីន។ បើមានរោគសញ្ញានៃការពុលស្រាដូចរៀបរាប់ខាងលើ សូមស្វែងរកដំបូន្មានជាបន្ទាន់នៅមណ្ឌលសុខភាព ឬមន្ទីរពេទ្យដែលនៅជិតផ្ទះរបស់លោកអ្នក។
ក្រសួងសុខាភិបាលសូមលើកទឹកចិត្តឲ្យសាធារណជនទូទៅអនុវត្តតាមដំបូន្មានសាមញ្ញខាងលើ ដើម្បីការពារអ្នកនិងក្រុមគ្រួសារ និងសូមជូនពរអ្នកទាំងអស់គ្នាជួបនូវសុខភាពល្អ ក្នុងពីធីកាន់បិណ្ឌ និងភ្ជុំបិណ្ឌខាងមុខ៕ ដោយ ៖ ជាយក្រុង
