ភ្នំពេញ៖ ករណីគ្រោះថ្នាក់ចរាចរ២ផ្សេងគ្នា ក្នុងមូលដ្ឋានខណ្ឌដូនពេញ បណ្ដាលឲ្យមនុស្ស៤នាក់រងរបួសធ្ងន់ស្រាល និងម៉ូតូ៣គ្រឿង បានរងការខូចខាតយ៉ាងដំណំ ដោយសារតែអ្នកបេីកបរខ្វះការប្រុងប្រយ័ត្ន ក៏ជ្រុលទៅបុកបង្គោលថ្ម និងម៉ូតូបុកម៉ូតូ ។

ករណីគ្រោះថ្នាក់ចរាចរណ៍ទី១ បានកេីតឡេីងកាលពីវេលាម៉ោង១០យប់ថ្ងៃទី២៩ ខែធ្នូ ឆ្នាំ២០១៥ នៅចំណុចមុខផ្ទះលេខ១បេ ផ្លូវលេខ៧០ ភូមិទី១៩ សង្កាត់ស្រះចក ខណ្ឌូពេញ បង្កឡេីងរវាងម៉ូតូ និងម៉ូតូបណ្ដាលឲ្យមនុស្ស២នាក់របួសធ្ងន់ស្រាលរួមទាំងម៉ូតូ២គ្រឿងខូចខាត ។

តាមប្រភពព័ត៍មានពីសមត្ថកិច្ចបានឲ្យដឹងថា ម៉ូតូ២គ្រឿងដែលបង្កគ្រោះថ្នាក់ចរាចរណ៍នេះទី១ ម៉ាក់MSX ពណ៌លឿង ពាក់ស្លាកលេខ 1FL.2485 បេីកបរដោយបុរសម្នាក់ឈ្មោះហីុ តេងហ៊ុយ ភេទប្រុស អាយុ២០ឆ្នាំ មុខរបរកសិករ ស្នាក់នៅភូមិចំបក់មាស សង្កាត់បាក់ខែង ខណ្ឌជ្រោយចង្វា បានទៅបុកជាមួយម៉ូតូមួយគ្រឿងម៉ាកហុងដា សេ១២៥ ពណ៍ខ្មៅ ពាក់ស្លាកលេខភ្នំពេញ1AH.0650 បេីកបរដោយបុរសម្នាក់ឈ្មោះសួស ប៊ុនឡុង ភេទប្រុស អាយុ៥២ឆ្នាំ មុខរបរបេីកបររថយន្ត ស្នាក់នៅផ្ទះលេខ៧៨ ផ្លូលេខ៧០ សង្កាត់ស្រះចក ខណ្ឌដូនពេញ ។ ក្រោយកេីតហេតុអ្នករងរបួសទាំងពីរនាក់ត្រូវបានដឹកបញ្ចូនទៅសង្រ្គោះនៅមន្ទីរពេទ្យកាលម៉ែត ។

ដោយឡែកករណីទី២ បានកេីតឡេីងរវាងម៉ូតូបេីកទៅបុកបង្គោលថ្ម បណ្ដាលឲ្យមនុស្ស២នាក់របួសធ្ងន់ កាលពីវេលាម៉ោង២ និង១០នាទីរំលងអាធ្រាត្រឈានចូលថ្ងៃទី៣០ ខែធ្នូ ឆ្នាំ២០១៥ នៅចំណុចមុខមន្ទីរពេទ្យព្រះកេតុមាលា តាមផ្លូវព្រះសីុុវត្តិសង្កាត់ស្រះចក ខណ្ឌដូនពេញ ។ បង្កឡេីងដោយសារតែបុរសពីរនាក់ជិះម៉ូតូមួយគ្រឿងម៉ាក់ស៊ុយសីុគីនិច ពណ៌ស ពាក់ស្លាកលេខភ្នំពេញ 1BT.4972 បេីកបរដោយបុរសឈ្មោះមិន មាន អាយុ១៩ឆ្នាំ ជាកម្មករលក់នំប័ុង ស្នាក់នៅឃុំកោះខ្សាច់ទន្លា ស្រុកស្អាង ខេត្តកណ្ដាល និងរួមដំណេីរដោយឈ្មោះជីន ង៉ា ភេទប្រុស ជាកម្មករសំណង់ ស្នាក់នៅខេត្តព្រៃវែង អ្នកទាំង២រងរបួសធ្ងន់ និងម៉ូតូខូចខាតខ្ទេច ។

បច្ចុប្បន្នអ្នករងរបួសទាំង៤នាក់ក្នុងករណីគ្រោះថ្នាក់ចរាចរណ៍២ផ្សេងគ្នានេះ កំពុងសម្រាកព្យាបាលនៅមន្ទីរពេទ្យកាលម៉ែត ចំណែកឯម៉ូតូ៣គ្រឿងត្រូវបាននគរបាលចរាចរណ៍យកមករក្សារទុកនៅអធិការដ្ឋាននគរបាលខណ្ឌដូនពេញ រងចាំម្ចាស់ចូលមកដោះស្រាយតាមច្បាប់ ៕

ដោយ៖ ស ដារ៉ា