ភ្នំពេញ៖ ពិតជាដូចពាក្យចចាមអារ៉ាមកន្លងមកមែនថាតារាសម្តែងស្រីស្រស់សោភាកញ្ញា ម៉ៃយ៉ាមានទំនាក់ទំនងស្នេហាភេទដូច។ មិនបារម្ភការរិះគន់ពេបជ្រាយទេ តារាស្រីរូបនេះបានបណ្តើរគូស្នេហ៍ភេទដូចគ្នាទៅសាងភាពផ្អែមល្ហែមនៅប្រទេសឥណ្ឌូនេស៊ីថែមទៀតផង។
ដំណឹងមានសម្ព័ន្ធស្នេហាភេទដូចគ្នារវាងតារាសម្តែងកូនកាត់អាល្លឺម៉ង់ កញ្ញា ម៉ៃយ៉ា បានបែកធ្លាយចេញពីចង្កោមអ្នកសិល្បៈអស់ជាច្រើនឆ្នាំមកហើយ ប៉ុន្តែគេក៏មិនដែលឃើញតារាស្រីរូបនេះចេញមុខបកស្រាយនោះដែរ។ ដំណឹងនេះក៏ស្របពេលដែលនាងបានបដិសេធការទទួលយកសំណើរស្នេហាពីបុរសមានទ្រព្យជាច្រើន។ យូរៗម្តងនាងលេចមុខជាមួយនារីម្នាក់ដែលតែងខ្លួនមើលទៅច្រឡំនឹងបុរសដើរកម្សាន្តនៅក្រៅប្រទេសនោះ។ ពេលនេះតារាសម្តែង និង ពិធីការិនីកូនកាត់ ម៉ៃយ៉ា បានបណ្តើរគូស្នេហ៍ទៅលំហែរនៅកោះបាលីប្រទេសឥណ្ឌូណេស៊ីយ៉ាងមានក្តីសុខ។ អ្វីដែលគួរឱ្យចាប់អារម្មណ៍ តារាសម្តែងរូប ស្រស់ម្នាក់នេះ បានបង្ហាញរូបភាពផ្អែមល្ហែមធ្វើឲ្យប្រុសៗខកចិត្តមិនតិចទេ។ តារាស្រីរូបនេះកាន់តែ មិនខ្វល់ខ្វាយឬបកស្រាយអ្វីឡើយ បើទោះបីជាមានការលើកឡើងថាគូស្នេហ៍នាងជា មនុស្សស្រីក៏ដោយ។ ផ្ទុយទៅវិញស្រីស្អាតរូបនេះ កាន់តែបង្ហាញភាពផ្អែមល្ហែម ដោយបណ្តើរម្ចាស់ស្នេហ៍ទៅដើរលំហែរនៅកោះបាលីព្រមជាមួយការថតរូបយ៉ាងផ្អែមល្ហែមដែល ឃើញហើយពិតជាមានសេចក្តីសុខតែម្តងពោលគឺមិនខុសពីគូស្នេហ៍ប្រុសនិងស្រីដទៃទៀតនោះទេ ។
គួរបញ្ជាក់ដែរថាម៉ៃយ៉ា កូនកាត់ខ្មែរអាល្លឺម៉ង់ វ័យ២៣ឆ្នាំ ដែលមានរូបឆោមល្អស្រស់គួរឱ្យចង់គយគន់នោះ ហាក់ស្ទុះឡើងកូដខ្លាំង នាពេលចុងក្រោយនេះ ដោយក្រសោបបានតំណែងតួកឯកនៅក្នុងខ្សែភាពយន្តជាបន្តបន្ទាប់។ នាងក៏ជាពិធីការិនីនៅក្នុងកម្មវិធីផ្សាយផ្ទាល់របស់ទូរទស្សនួ CNC ផងដែរ៕ ដោយ វឌ្ឍនា
