ខេត្តមណ្ឌលគីរី៖ នៅប្រលប់ថ្ងៃទី២៩ ខែធ្នូ ឆ្នាំ២០១៥ កំលាំងល្បាត នៃអធិការដ្ឋាននគរបាលស្រុកកោះញែក ដឹកនាំដោយលោក កាន់ ពេញ អធិការស្រុកកោះញែក តាមបទបញ្ជាលោកឧត្តមសេនីយ៍ត្រី តូច យ៉ុន ស្នងការនគរបាលខេត្តមណ្ឌលគិរី បានចុះ ឃាត់ខ្លួនបុរស៤នាក់ នៅចំណុចស្រែជ្រេស ភូមិក្បាលកោះ ឃុំស្រែសង្គម ស្រុកកោះញែក ។
សមត្ថកិច្ចប្រាប់ឲ្យដឹងថា ជនសង្សយ័ខាងលើ ទី១ ឈ្មោះ យន់ ឌី ភេទប្រុស អាយុ២៧ឆ្នាំ មានស្រុកកំណើតភូមិសាម៉ ឃុំគងជ័យ ស្រុកអូរាំងឪ ខេត្តត្បូងឃ្មុំ ទី២ឈ្មោះម៉ា ម៉ី ភេទប្រុស អាយុ១៦ឆ្នាំ មានស្រុកកំណើតភូមិក្បាលកោះ ឃុំស្រែសង្គម ស្រុកកោះញែក ខេត្តមណ្ឌលគីរី ទី៣ឈ្មោះឆាន់ ឈន់ ភេទប្រុស អាយុ២៥ឆ្នាំ មានស្រុកកំណើតភូមិចង្វារ ឃុំគងជ័យ ស្រុកអូរាំងឪ ខេត្តត្បូងឃ្មុំ ទី៤ឈ្មោះ ឆុំ វិបុល ភេទប្រុស អាយុ៣០ឆ្នាំ ស្រុកកំណើតភូមិ ស្ពានមាស ឃុំលំពង់ ស្រុកបាទី ខេត្តតាកែវ។
ជាមួយការឃាត់ខ្លួននេះ សមត្ថកិច្ចដកហូតបានវត្ថុតាងដូចជា ៖ ម៉ូតូម៉ាកស៊ីរុស១គ្រឿង កាំភ្លើងAK បត់០១ដើ មានគ្រាប់២គ្រាប់ និងសំភារ:សេពគ្រឿងញៀនមួយចំនួនទៀត ។
បច្ចុប្បន្ន មនុស្ស និងវត្ថុតាងកំពុងបំពេញសំណុំបែបបទ ដើម្បីបញ្ជូនទៅស្នងការដ្ឋាននគរបាល ខេត្តមណ្ឌលគីរីចាត់ការបន្ត ៕
ដោយ៖ អ៊ុច សាវុទ្ធ
