ភ្នំពេញ៖ បុរសម្នាក់បើកម៉ូតូរ៉ឺម៉កម៉ូតូកង់បីបានមកបុកម៉ូតូដែលកំពុងចតស្ងៀមបណ្ដាលឲ្យរងការខូចខាត តែមិនបណ្ដាលឲ្យមនុស្សណាម្នាក់រងរបួសនោះទេ ។
ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង០០និង២០នាទីរំលងអាធ្រាត្រ ឈានចូលថ្ងៃទី៣១ ខែធ្នូ ឆ្នាំ២០១៥ នៅតាមបណ្ដោយផ្លូវ៥១ នៅក្បែរ សាលាអង់គ្លេសអន្តរជាតិភ្នំពេញ ស្ថិតក្នុងសង្កាត់បឹងកេងកង១ ខណ្ឌចំការមន រាជធានីភ្នំពេញ ។
បើតាមសម្ដីជនរងគ្រោះបានឲ្យដឹងថា មុនពេលកើតហេតុគេបានជិះម៉ូតូមួយគ្រឿងម៉ាកវីវ៉ា ពណ៌ខ្មៅ ពាក់ស្លាកលេខ រាជការ.3706 ក្នុងទិសដៅពីជើងទៅត្បួង តាមបណ្ដោយផ្លូវ៥១ បម្រុងមកយកមិត្តភក្តិដែលនៅធ្វើការនៅខនដូ ក្បែរកន្លែងកើតហេតុ ពេលមកដល់ក៏បានទុកម៉ូតូនៅលើចញ្ចៀម ខណៈពេលនោះស្រាប់តែមានបុរសម្នាក់បានបើកម៉ូតូរ៉ឺម៉កកង់បី មួយគ្រឿងក្នុងលឿនល្មម ទិសដៅស្របគ្នាក៏មកបុកពីក្រោយពេញទំហឹងបណ្ដាលឲ្យម៉ូតូរងការខូចខាតខាងក្រោយបន្តិចបន្តួច ។ ដោយក្នុងគ្រោះថ្នាក់ចរាចរណ៍ខាងលើនេះមិនបង្កឲ្យនរណាម្នាក់រងរបួសនោះទេ។
ក្រោយកើតហេតុភាគីទាំងសងខាងបានសម្របសម្រួលគ្នា ដោយភាគីខាងរ៉ឺម៉កម៉ូតូបង់បីបានសងខាខូចខាតទៅភាគីខាម៉ូតូចំនួន១០$ ដើម្បីបញ្ចប់រឿងនៅកន្លែងកើតហេតុ។
ដោយឡែកក្នុងគ្រោះថ្នាក់ចរាចរណ៍ខាងលើនោះ គឺមានសមត្ថកិច្ចក្នុងមូលដ្ឋានម្នាក់ ស្រវឹងស្រាបានមកគំរាមវ៉ាយ និងជិះម៉ូតូមកបំបុកអ្នកសារព័ត៌មាន តែសំណាងល្អរូបគាត់គេចផុត កុំអីត្រូវសមត្ថកិច្ចកំហូចនោះបុកមិនដឹងទៅជាយ៉ាងណានោះទេ ដោយគ្រន់តែអ្នកសារព័ត៌មាន ទៅថតហេតុការណ៍គ្រោះថ្នាក់ចរាចរណ៍លើដងផ្លូវតែប៉ុណ្ណោះ ៕
ដោយ៖ ភារ៉ា ដង្កោ
