ខេត្តស្ទឹងត្រែង៖  មេក្លោងចែកចាយគ្រឿងញៀន ជនជាតិឥណ្ឌូនេស៉ីម្នាក់ ត្រូវកម្លាំងនគរបាលចាប់ខ្លួន នៅចំណុចប៉ុស្ដិ៍នគរបាលច្រកទ្វារព្រំដែនអន្ដរជាតិ នៅចំណុចត្រពាំងក្រៀល ស្ថិតក្នុងភូមិអូរស្វាយ ឃុំអូរស្វាយ ស្រុកបូរីអូរស្វាយសែនជ័យ ខេត្តស្ទឹងត្រែង ដកហូតបានថ្នាំញៀនជិត១គីឡូក្រាម។
របាយការណ៍របស់ស្នងការដ្ឋាននគរបាលខេត្តស្ទឹងត្រែង នៅរសៀលថ្ងៃទី០១ ខែវិច្ឆិកា ឆ្នាំ២០១៩ ដោយកម្លាំងប៉ុស្ដិ៍នគរបាលច្រកទ្វារព្រំដែនអន្ដរជាតិត្រពាំងក្រៀល សហការជាមួយកម្លាំងជំនាញនគរបាលខេត្ត។

លោកចែម ផាណិត នាងការិយាល័យប្រឆាំងបទល្មើសសេដ្ឋកិច្ចបានឲ្យដឹងនៅថ្ងៃទី២ ខែវិច្ឆិកានេះថា មេក្លោងចែកចាយគ្រឿងញៀន ដែលកម្លាំងសមត្ថកិច្ចចាប់ខ្លួនបាននេះ ឈ្មោះ AGUN ROHMAN អាយុ៣៤ឆ្នាំ ធ្វើដំណើរមកពីក្រុងហុងកុង ប្រទេសចិន ឆ្លងកាត់ប្រទេសឡាវ ចូកមកប្រទេសកម្ពុជាយើងបម្រុងធ្វើការចែកចាយ ទើបកម្លាំងយើងធ្វើការឃាត់ខ្លួនតែម្តង រួមនឹងវត្ថុតាងខាងលើ។

ក្នងនោះផងដែរដោយមានការសង្ស័យ ទើបកម្លាំងសមត្ថកិច្ចនគបាលប៉ុស្តិត្រពាំងគ្រៀលនឹងកម្លាំងជំនាញខេត្តសហការគ្នា ធ្វើការឆែកឆេក៍ប្រទះឃើញ នៅសារធាតុញៀន រួចក៍ឃាត់ខ្លួនជនសង្ស័យខាងលើ នឹងដកហូតបានថ្នាំញៀនប្រភេទមេតំហ្វេតាមីន (ICE) ៤កញ្ចប់ធំ ទម្ងន់សរុប៩៤៩.៨ក្រាម។

បច្ចុប្បន្នជនសង្ស័យខាងលើ ត្រូវបានកម្លាំងជំនាញការិយាល័យប្រឆាំងគ្រឿងញៀនខេត្ត រៀបចំសំណុំឯកសារបញ្ជូនទៅកាន់តុលាការ និងស្វែករកមុខសញ្ញាពាក់ព័ន្ធផ្សេងៗទៀត ដើម្បីចាត់ការបន្ដតាមនីតិវិធី៕

ដោយ៖ មាស សុផាត