ខេត្តប៉ៃលិន៖ បុរសម្នាក់រងរបួសធ្ងន់ខណៈពេលដែលស្រវឹងស្រា បើកម៉ូតូវ៉េវ ពណ៍ខៀវក្នុងល្បឿនលឿនទៅបុកជ្រុងកែងថ្មដាំផ្ការងរបួសនៅនឹងកន្លែង ។

ហេតុការណ៍នេះបានកើតឡើងវេលាម៉ោង១១ និង៤០នាទីយប់ថ្ងៃទី៣១ ខែធ្នូ ឆ្នាំ២០១៥ស្ថិតនៅខាងលិចស្ពានអូរតាប្រាំង  ក្នុងភូមិអូរតា
ប្រាំង សង្កាត់ប៉ៃលិន ក្រុងប៉ៃលិន ។

សមត្ថកិច្ចប៉ុស្តិ៍ប៉ៃលិនបានឲ្យដឹងថា បុរសម្នាក់ដែលបើកម៉ូតូទៅបុកកែងថ្មដាំផ្កានេះត្រូវបានគេស្គាល់ឈ្មោះវើកសាយ ភេទប្រុស អាយុ៣២ឆ្នាំមុខរបរកម្មករ រស់នៅភូមិព្រៃតូច ឃុំព្រៃតូច ស្រុកម៉ោងឫស្សី ខេត្តបាត់ដំបង បច្ចុប្បន្ន នៅភូមិប្រាំងរលឹម សង្កាត់អូរតាវ៉ៅ ក្រុងប៉ៃលិន ។

តាមប្រភពនៅជិតកន្លែងកើតហេតុបានឲ្យដឹងថា នៅមុនពេលកើតហេតុគេបានឮសំឡេងម៉ូតូមួយគ្រឿងដួលនៅរង្វង់មូលរួចមក
ពួកគាត់ក៏ដើរជាមួយសមត្ថកិច្ចដែលប្រចាំការ បានឃើញបុរសម្នាក់ដួលបែកក្បាលហូរឈាមនៅនឹងកន្លែងកើតហេតុ ។ ជនរងគ្រោះបើកម៉ូតូម៉ាក
វ៉េវ ពណ៍ខ្មៅ ស្លាកលេខប៉ៃលិ1A-2373បើកម៉ូតូក្នុងទិសដៅពីកើតទៅលិចមកដល់កន្លែងកើតហេតុក៏ជ្រុងបុកកែងថ្មដាំផ្កាដួលរងរបួសសន្លប់តែម្ដង ។ ចំណែកម៉ូតូត្រូវបានសមត្ថកិច្ចមូលដ្ឋានយកទៅរក្សាទុកនៅប៉ុស្តិ៍ប៉ៃលិនរងចាំប្រគួលឲ្យជនរងគ្រោះវិញ ៕

ដោយ៖ ស សារ៉េត