ខេត្តកំពង់ស្ពឺះបុរសចំណាស់ម្នាក់បានស្លាប់គួរអោយអាសូរបន្ទាប់ពីគោមេដែលមានកូនមួយក្បាលជល់ហើយជាន់រហូតដលស្លាប់ខណះបុរសរងគ្រោះកាន់ធុងដើរទៅរកបាចត្រី។
ក្រោយកើតហេតុសមត្ថកិច្ចបានចុះពិនិត្យធ្វើកំណត់ហេតុប្រគល់សពអោយក្រុមគ្រួសារធ្វើបុណ្យតាមប្រពៃណី ។
ហេតុការដ៏កម្រនេះកើតឡើងកាលពី
ថ្ងៃច័ន្ទ៦កេីតខែមិគសិរឆ្នាំកុរឯកស័ក ព.ស២៥៦៣
ត្រូវថ្ងៃទី០២ខែធ្នូឆ្នាំ២០១៩វេលាម៉ោង១៤និង០៥នាទី ស្ថិតក្នុងភូមិដំបងវិញឃុំសង្កែសាទបស្រុកឪរ៉ាល់ខេត្តកំពង់ស្ពឺ។
ជនរងគ្រោះឈ្មោះម៉ៅ ហេង ភេទប្រុសអាយុ៦១ឆ្នាំរស់នៅភូមិឃុំកេីតហេតុខាងលេី។
ប្រភពពីក្រុមគ្រួសារបានអោយដឹងថាមុនពេលកើតហេតុជនរងគ្រោះបានកាន់ធុងប៉េត្រូទៅរកប៉ាចត្រីនៅខាងក្រោយផ្ទះរបស់ អ្នកភូមិមួយរូប(ឈ្មោះជួន នាង) ពេលដេីរដល់ចំណុចកេីតហេតុក៏មានគោញីកូនតូចមួយដែលម្ចាស់វាចងនៅក្នុងស្រែក៏បានស្ទុះមកជល់និងជាន់ទៅលេីជនរងគ្រោះបណ្ដាលឲរងរបួសយ៉ាងធ្ងន់។
ប្រភពបន្តថាក្រោយកើតហេតុក្រុមគ្រួសានិងអ្នកភូមិបានដឹកជនរងគ្រោះទៅកាន់មន្ទីរពេទ្យតែជាអកុសលជនរងគ្រោះបានស្លាប់បន្ទាប់ពីលេីកដាក់លើគោយន្ដបំរុងដឹកយកទៅពេទ្យ។
ករណីដោយកម្រនេះសមត្ថកិច្ចជំនាញនិងនគរបាលប៉ុស្តិសង្កែសាទបបានអនុវត្តន៍ត្រួតពិនិត្យតាមនិតិវិធី និងបានប្រគល់សពអោយក្រុមគ្រួសារទទួលរៀបចំធ្វើបុណ្យតាមប្រពៃណី ក្រោយពេលបំពេញបែបបទតាមនីតិវិធីរួចមក៕សេនាស័ក្តិ
