ភ្នំពេញ៖ បុរសម្នាក់បានបើករ៉ីម៉កសណ្ដោងក្នុងល្បឿនលឿនបានជ្រុលទៅបុករថយន្តហ្វតរ៉េងជ័រ ដែលបើកចេញពីបុរីលឹម ឈាងហោ ចំពីចហៀងពេញទំហឹងបណ្ដាលឲ្យរងការខូចខាត តែសំណាងល្អមិនបណ្ដាលឲ្យនរណាម្នាក់រងរបួសនេះ ។
ហេតុការណ៍គ្រោះថ្នាក់ចរាចរណ៍ខាងលើបានបង្កការកក់ស្ទះចរាចរណ៍ដល់ប្រជាពលរដ្ឋដែលធ្វើដំណើរតាមដងផ្លូវយ៉ាងខ្លាំង កាលពីវេលាម៉ោង១៧និង២០នាទីរសៀល ថ្ងៃទី៣ ខែមករា ឆ្នាំ២០១៦ នៅចំណុចមុខបុរីលឹម ឈៀងហោ តាមបណ្ដោយផ្លូវ២១៧ ស្ថិតក្នុងភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ។
សាក្សីដែលនៅក្បែរកន្លែងកើតហេតុបានឲ្យដឹងថា មុនពេលកើតហេតុគេសង្កេតឃើញមានរ៉ីម៉កសណ្ដោងបង្កមួយគ្រឿងដែលបើកដោយបុរសម្នាក់ ក្នុងទិសដៅពីជើងទៅត្បួង តាមបណ្ដោយផ្លូវ២១៧ ទិសដៅពីជើងទៅត្បួង ក្នងល្បឿនលឿន ខណៈដល់ណុចកើតហេតុដោយចាប់ហ្វ្រាំងមិនទាន់ក៏ជ្រុលទៅបុករថយន្តហ្វតរេងជ័រ ពណ៌ខ្មៅ ពាក់ស្លាកលេខ ភ្នំពេញ 2AB.6603 ដែលទើបនិងចេញពីបុរីលឹម ឈាងហោ ពេញទំហឹងបណ្ដាលឲ្យរងការូចខាត ។
ក្នុងហេតុការណ៍គ្រោះថ្នាក់ចរាចរណ៍ខាងលើមិនបណ្ដាលឲ្យនរណាម្នាក់រងរបួសនោះទេ ។
ក្រោយកើតហេតុ ទាំងរ៉ីម៉កសណ្ដោង និងរថយន្តរងគ្រោះត្រូវបានសមត្ថកិច្ចជំនាញធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌដង្កោ រង់ចាំដោះស្រាយតាមនីតិវិធីច្បាប់ ៕
ដោយ៖ ភារ៉ា ដង្កោ
