ខេត្តរតនគិរី៖ លោកវរៈសេនីត្រីអ៊ុងសុភាពប្រធានការិយាល័យប្រឆាំងគ្រឿងញៀនបានឲ្យដឹងថា នៅថ្ងៃទី០៤ ខែ មករា ឆ្នាំ ២០១៦ វេលាម៉ោង ២និង៣០នាទី កម្លាំងជំនាញការិយាល័យកម្រិតស្រាល កម្លាំងជំនាញ ប្រឆាំងគ្រឿងញៀន បានចុះសហការណ៏ជាមួយកម្លាំងអធិការក្រុងបានលុង និងប៉ុស្តិ៍នគរបាលរដ្ឋបាល សង្កាត់ឡានសៀក ចុះធ្វើរដ្ឋបាលចំហ តាមផ្ទះ សំណាក់ ផ្ទះជួល ឃាត់ខ្លួនជនសង្ស័យចំនួន៤នាក់ ដែលពាក់ព័ន្ធករណី ប្រើប្រាស់គ្រឿងញៀន ។

ជនសង្ស័យរួមមានទី១-ឈ្មោះ កែវ វាសនា (ហៅញ៉ាញ់) ភេទប្រុស អាយុ ២៨ឆ្នាំ ជនជាតិខ្មែរ មានទីលំភូមិថ្មដា សង្កាត់បឹងកន្សែង ក្រុងបានលុង ខេត្តរតនគិរី មុខរបរ មិនពិតប្រាកដ ទី២-ឈ្មោះ ហ្វង ចាន់សុភា ភេទប្រុស អាយុ២៣ឆ្នាំ ជនជាតិខ្មែរ ទី៣-ឈ្មោះ វុន លីដា ភេទស្រី អាយុ ១៩ឆ្នាំ ជនជាតិខ្មែរ អ្នកទាំង២នាក់មានទីលំនៅភូមិ អូរ កន្តិល សង្កាត់ បឹងកន្សែង ក្រុងបានលុង រតនគិរី មុខរបរ លក់ដូរ (លក់ត្រី) និង៤-ឈ្មោះ សីុម ដេ ភេទប្រុស អាយុ២៣ឆ្នាំ ជនជាតិ ខ្មែរ មានទីលំភូមិថ្មី សង្កាត់ឡាបានសៀក ក្រុងបានលុង ខេត្តរតនគិរី មុខរបរ ជាងកាត់ដេខោអាវ ។

បច្ចុប្បន្នជនសង្ស័យទាំង៤នាក់ ត្រូវបានឃាត់ខ្លួននៅការិយាល័យប្រឆាំងគ្រឿងញៀន ដើម្បីបំពេញនីតិវិធីនៃច្បាប់ទៅ សាលាដំបូងខេត្ត ៕

ដោយ៖ អ៊ុច សាវុទ្ធ