ខេត្តស្វាយរៀង៖ បុរស៣នាក់រងរបួសធ្ងន់ធ្ងនរបែកក្បាលហូរឈាមសន្លប់ស្ដូកស្ដឹងនឹងកន្លែងខណៈដែលជិះម៉ូតូក្នុងល្បឿនលឿនខ្វះការប្រុងប្រយត្ន័ណាមួយយប់ងងឹតបណ្ដាលអោយបុកសួនច្បារអែបផ្លូវនៅក្បែររង្វង់មូលតុលាការខេត្តស្វាយរៀងយ៉ាងពេញទំហឹង កាលពីវេលាម៉ោង១២រំលងអធ្រាត្រឈានចូលថ្ងៃទី៥ ខែមករា ឆ្នាំ២០១៦ស្ថិតក្នុងភូមិស្រះវង្សសង្កាត់.ក្រុងស្វាយរៀង ។

យោងតាមប្រជាពលរដ្ឋដែលឃើញហេតុការណ៍បានអោយដឹងថា មុនពេលកើតហេតុមានបុរស៣នាក់មិនស្គាល់អត្តសញ្ញាណបានជិះម៉ូតូមួយគ្រឿងម៉ាកហុងដា សេ១២៥ ពណ៌ខ្មៅមួយគ្រឿងដោយធ្វើដំណើរ ក្នុងល្បឿនលឿនមុខធានាគារអេស៊ីលីដាខេត្តស្វាយរៀង(ពីជើងមកត្បូង)ណាមួយយប់ងងឹតក៏ជ្រុលចង្កូតមកបុកសួនច្បារអែបផ្លូវនៅក្បែររង្វង់មូលតុលាការខេត្តស្វាយរៀងលាន់សូរដូចរន្ទះបាញ់ខែចែត្របណ្ដាលអោយមនុស្សនិងម៉ូតូខ្ទាតប្រមាណ៥ម៉ែត្រសន្លប់តែម្ដង ។

ក្រោយកើតហេតុប្រជាពលរដ្ឋក៏បានរាយការណ៏ដល់រថយន្តសាមុយរបស់មន្ទីរពេទ្យបង្អែកខេត្តមកអន្តរាគមន៍ជួយសង្គ្រោះប៉ុន្តែដោយបុរសទាំង៣នាក់រងរបួសធ្ងន់ក៏បញ្ជូនបន្តទៅព្យាបាលនៅប្រទេសវៀតណាមបន្តទៀត ៕

ដោយ៖ យឹម សុថាន