ភ្នំពេញ៖ បុរសម្នាក់បើកម៉ូតូសណ្តោងរ៉ឺម៉កទាំងអាការៈស្រវឹងបានកៀរម៉ូតូមួយគ្រឿងទៀតបណ្ដាលអោយដួលរងរបួសស្រាលមនុស្ស២នាក់ ហេតុការណ៍គ្រោះថ្នាក់ចរាចរណ៍ខាងលើ នេះបានកើតឡើង កាលពីវេលាម៉ោង៨ និង២០នាទីយប់ថ្ងៃទី៥ ខែមករា ឆ្២០១៦ ត្រង់ចំណុចមុខហាងលក់ស្រោមទូរស័ព្ទស្មាតហ្វូន ស្ថិតតាមបណ្តោយផ្លូវកម្ពុជាក្រោម សង្កាត់ទឹកល្អក់1 ខណ្ឌទួលគោក ។
ជនរងគ្រោះមិនស្គាល់ឈ្មោះជិះម៉ូតូម៉ាកហុងដាឌ្រីម សេរីឆ្នាំ2005 ពណ៌ខ្មៅពាក់ស្លាកលេខ ភ្នំពេញ 1K-3328 ជិះគ្នា២នាក់ ស្រីម្នាក់ជាជនជាតិខ្មែរជាអ្នកបើកបរដឹកបុរសជាជនជាតិចិនបើកបរក្នុងទិសដៅពីលិចទៅកើត។ រីឯជនបង្កជិះម៉ូតូម៉ាកសង់កូរ៉េសន្ដោងរ៉ឺម៉កគ្មានស្លាកលេខ បើកបរដោយបុរសម្នាក់ក្នុងស្ថានភាពស្រវឹងជោគជាំ ។
តាមប្រភព័ត៌មានពីកន្លែងកើតហេតុបានអោយដឹងថា មុនពេលកើតហេតុគឃើញរ៉ឺម៉កបង្កខាងលើបានជិះក្នុងល្បឿនលឿនហើយជែងគេពេញផ្លូវ លុះមកដល់ចំនុចកើតហេតុបានបើកវ៉ាម៉ូតូខាងលើដែលបុរសជាជនជាតិចិនអត់ហ៊ានបើកបរទុកឲ្យស្រ្តីជាជនជាតិខ្មែរ ជាអ្នកបើកបរត្រូវរ៉ឺម៉កវ៉ាពីខាងស្ដាំតែវ៉ាមិនផុតក៏ត្រូវប៉ះនិងកន្ទុយខាងក្រោយក៏បណ្ដាលអោយម៉ូតូដួលរងរបួសស្រាលស្រ្តីជាអ្នកបើកម៉ូតូ រីឯជនជាតិចិនមិនមានរងរបួសទេ ចំណែករ៉ឺម៉កដោយសារតែចាក់គួរខ្លាំងពេកក៍ត្រូវក្រឡាប់ផ្អៀងច្រង៉ាងនៅលើថ្នល់ហើយម្ចាស់រងរបួសរលាត់ដៃបន្តិចបន្តួច ។
ក្រោយពេលកើតហតុជនបង្កដោយសារតែស្រវឹងខ្លាំងពេកក៍និយាយមិនត្រូវគ្នា ជជែកគ្នាអស់ជិតកន្លះម៉ោងទើបខាងបង្ករាងស្វាងស្រវឹងបន្តិចក៍ដឹងខ្លួនខុសហើយបានសុំទោសជនរងគ្រោះហើយបានយកម៉ូតូទៅជួសជុលរៀងខ្លួនបាត់ទៅ ។
គួររំលឹកផងដែរថា ហេតុការណ៍គ្រោះថ្នាក់ចរាចរណ៍ខាងលើនេះ បង្កមកពីភាគីអ្នកបើកម៉ូតូសណ្តោងរ៉ឺម៉ក បើកបរក្នុងស្ថានភាពស្រវឹងស្រា ហើយបើកលឿនមិនមានការប្រុងប្រយ័ត្នមិនគោរពច្បាប់ចរាចរណ៍ទើបបង្កអោយមានគ្រោះថ្នាក់យ៉ាងដូច្នេះ ៕
...
ដោយ៖ ព្រែកជ័យ
